Last updated on September 17th, 2025 at 01:34 pm
ಬೆದ್ರ, ಸೆ. 17: ಬೆದ್ರಗ್ ಮುಟ್ಟದ ಕೊಣಾಜೆಕಲ್ಲ್ ಗುಡ್ಡೆಡ್ ಟ್ರೆಕ್ಕಿಂಗ್ ಮಲ್ಪುನಗ ವಿದ್ಯಾರ್ಥಿ ಒರಿ ಬೂರ್ದ್ ತೀರ್ದಿನ ನಡಕೆ ಇನಿ ಕಾಂಡೆ ನಡತ್ದ್ಂಡ್.
ಕುಡ್ಲಡ್ ಸಿ.ಎ. ಫೈನಲ್ ಕಲ್ತೊಂದಿತ್ತಿನ ಇರ್ವೆರ್ ವಿದ್ಯಾರ್ಥಿಲು ಕೊಣಾಜೆಕಲ್ಲ್ ಗುಡ್ಡೆಗ್ ಟ್ರೆಕ್ಕಿಂಗ್ಗ್ ಪೋದಿತ್ತೆರ್. ಕೇರಳ ಅಡೂರು ನಿವಾಸಿ ಕಾರ್ತಿಕ್ (22) ಬೊಕ್ಕ ಪುತ್ತೂರು ತಾಲೂಕು ಇರ್ದೆ ಗ್ರಾಮೊದ ಬೆಟ್ಟಂಪಾಡಿ ನಡುವಡ್ಕ ನಿವಾಸಿ ಗೋಪಾಲಕೃಷ್ಣ ಭಟ್ರೆನ ಮಗೆ ಮನೋಜ್ ಎನ್. (22) ಟ್ರೆಕ್ಕಿಂಗ್ ಪೋತಿನಕುಲು.
ಟ್ರೆಕ್ಕಿಂಗ್ ಮಲ್ತೊಂದುಪ್ಪುನಗ ಮನೋಜ್ ಬೂರ್ದ್ ಗಾತಿದ ಗಡಿಯಾದ್ ಅಲ್ಪನೇ ತೀರ್ದೆರ್ ಪನ್ದ್ ವರದಿ ಆತ್ಂಡ್.
ಈ ನಡಕೆಗ್ ಸಂಬಂಧಿತ್ದ್ ಮುಟ್ಟದಕುಲೆನ ಸಕಾಯೊಡು ಪೊಲೀಸೆರ್ ಪರಿಶೀಲನೆ ಮಲ್ತೊಂದುಲ್ಲೆರ್.