Last updated on September 27th, 2025 at 07:25 pm
ಉಬಾರ್, ಸೆ. 27: ಉಬಾರ್ ಮೂಲೊದ ಜವನೆ ಒರಿ ದುಬೈಡ್ ತೀರ್ದಿನ ಬಗೆಟ್ ವರದಿ ಆತ್ಂಡ್. ಉಬಾರ್ಗ್ ಮುಟ್ಟದ ಬಜತ್ತೂರು ಅರ್ಬಿದ 33 ವರ್ಸ ಪ್ರಾಯೊದ ತಿಲಕಾನಂದ ಪೂಜಾರಿ (ಪ್ರಶಾಂತ್) ತೀರ್ದಿನಾರ್.
ತಿಲಕಾನಂದ ಪೂಜಾರಿ ಮೇರ್ ಇಂಚಿಪ ದುಬೈಡ್ ತೀರ್ದೆರ್. ದುಬೈದ ಆಸ್ಪತ್ರೆ ಒಂಜೆತ ಶವಾಗಾರೊಡು ದೀದಿತ್ತಿನ ಆರೆನ ಪಾರ್ಥಿವ ಶರೀರೊನು ಭಾರತೊಗು ಕನಯೆರ ಕಾನೂನ್ದ ತಲೆಪು ಇತ್ತ್ಂಡ್. ಈ ಪೊರ್ತುಡು ಕೆಸಿಎಫ್ ಯುಎಇ ಮುಖಂಡೆರ್ ಉಚ್ಚಿಲ ಮೂಲೊದ ಸಮದ್ ಬಿರಾಲಿ ಬೊಕ್ಕ ಆರೆನ ಕೂಟ ಬೋಡಾಪಿನ ಮಾತಾ ಅಗತ್ಯ ದಾಕಲೆಲೆನ್ ಒಟ್ಟು ಮಲ್ತ್ದ್, ದುಬೈ ಪೊಲೀಸ್ ಬೊಕ್ಕ ಸಂಬಂಧಿತಿನ ಅಧಿಕಾರಿಲೆಗ್ ಕೊರ್ದು, ಶುಕ್ರವಾರ ಸರ್ರೊನು ಕುಡ್ಲಗ್ ಕಡಪುಡುನೆಟ್ ಯಶಸ್ವಿ ಆತೆರ್. ಇನಿ(ಸೆ.27) ತಿಲಕಾನಂದೆರೆನ ಅಂತ್ಯಕ್ರಿಯೆ ಆರೆನ ಊರ್ಡೇ ನಡತ್ದ್ಂಡ್.