Last updated on October 4th, 2025 at 09:35 am
ಒಡಿಪು, ಅ. 03: ಮಣಿಪಾಲ ಈಶ್ವರ ನಗರ ಪುರಸಭೆಗ್ ಸೇರ್ದಿನ ಪರ್ಪಿನ ನೀರ್ದ ಪಂಪಿಂಗ್ ಸ್ಟೇಷನ್ ಕೈತಲ್ ರಿಕ್ಷಾ ಒಂಜಿ ಅಂಕೆ ತತ್ತ್ದ್ ಸಾದಿ ಬರಿತ ಕಣಿಕ್ ಬೂರ್ದ್ಂಡ್.
ಸಾದಿ ಬರಿಟ್ ಮಣ್ಣ್ ತಟ್ಟ್ ಮಲ್ತಿತ್ತ್ಂಡಲಾ, ಸಮ ಕಣಿತ ಬೇಲೆ ಮಲ್ಪಂದಿನೆರ್ದಾವರ ಇಂಚ ಆತ್ಂಡ್. ರಿಕ್ಷಾ ಕಬ್ಬೆ ಬೂರ್ದು ರಿಕ್ಷಾ ಅಲಕ್ಕ ಞಕ್ಕೆ ಆತ್ಂಡ್.
ಮೂರ್ಛೆ ರೋಗೊ ಇಪ್ಪುನ ಡ್ರೈವರ್ ಗಾಡಿ ಬುಡೊಂದುಪ್ಪುನಗ ಮತಿ ತತ್ತ್ದ್ ಬೂರ್ದೆರ್ ಪನ್ದ್ ಪನೊಂದಿತ್ತ್ದ್, ಬೊಕ್ಕ ರಿಕ್ಷಾ ಅಂಕೆ ತತ್ತ್ದ್ ಕಣಿಕ್ ಬೂರ್ದ್ಂಡ್. ದೇಬೆರೆ ದಯೆಟ್, ಈ ಪೊರ್ತುಡು ಗಾಡಿದುಲಯಿ ಏರ್ಲಾ ಪ್ರಯಾಣಿಕೆರ್ ಇಜ್ಜಂಡ್. ಮಣಿಪಾಲ ಪೊಲೀಸೆರ್ ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತ್ದೆರ್.