Last updated on October 4th, 2025 at 11:31 am
ಕಟೀಲ್ ಅ. 04: ಕಟೀಲ್ ದುರ್ಗಾಪರಮೇಶ್ವರಿ ದೇಲಂತಡೆದ ಸೇವಾದರೊತ ಎರ್ತೆದ ಬಗೆಟ್ ಟೀಕೆಲು ಬತ್ತಿನೆರ್ದಾವರ ಇತ್ತೆ ದೇಲಂತಡೆದ ಆಡಳಿತ ಮಂಡಳಿ ಸೇವಾದರೊತ ಕ್ರಯೊನು ಒಂತೆ ಕಮ್ಮಿ ಮಲ್ತ್ದ್ಂಡ್.
ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ದೇಲಂತಡೆಡ್ ಅಕ್ಟೋಬರ್ ಒಂಜೆರ್ದ್ ಪೊಸ ಸೇವಾದರ ಜಾರಿಗ್ ಬತ್ತ್ದ್ಂಡ್. ಸೇವಾದರ ಎರ್ತೆದ ಬಗೆಟ್ ದೇವಲ್ಯ ಪ್ರಕಟನೆ ಕೊರಿ ಬೊಕ್ಕ ಕ್ರಯ ಕಮ್ಮಿ ಮಲ್ಪೆರ ಜನಪ್ರತಿನಿಧಿಕುಲು, ಭಕ್ತೆರ್ ಆಡಳಿತ ಮಂಡಳಿಗ್ ಕಾಯೆಸ್ ಮಲ್ತಿತ್ತೆರ್. ಅಂಚಾದ್ ಪೂತ ಪೂಜೆ 200 ರೂ., ಕಾರ್ತಿಪೂಜೆ 20 ರೂ., ತೀರ್ಥಬಾಟ್ಲಿಗ್ 10 ರೂ. ಇಂಚ ಕೆಲ ಸೇವೆಲೆನ ಎಚ್ಚ ಮಲ್ತಿನ ಕ್ರಯೊರ್ದು ಒಂತೆ ಕಮ್ಮಿ ಮಲ್ತ್ದ್ ಜಾರಿ ಮಲ್ದೆರ್.
ಮಹಾನವಮಿ ಬೊಕ್ಕ ವಿಜಯದಶಮಿದ ರಡ್ಡ್ ದಿನೊಟುಲಾ 1500ರ್ದ್ಲಾ ಎಚ್ಚ ವಾಹನ ಪೂಜೆ, ನೂದೆರ್ದ್ ಎಚ್ಚ ಜೋಕುಲೆಗ್ ಅಕ್ಷರಾಭ್ಯಾಸ, 6100 ಪೂತ ಪೂಜೆ, 4500 ಕುಂಕುಮಾರ್ಚನೆ ಸೇವೆ ಅತ್ತಂದೆ ಐನೂದೆರ್ದ್ ಎಚ್ಚ ಸೀರೆ ಉಲ್ಲಾಲ್ದಿಗ್ ಕಾಣಿಗೆ ಆದ್ ಬತ್ತ್ದ್ಂಡ್ ಪನ್ದ್ ದೇಲಂತಡೆದ ಪ್ರಕಟಣೆ ತೆರಿಪಾದ್ಂಡ್.