Last updated on October 26th, 2025 at 07:36 pm
ಕಥಾ ಬಿಂದು ಪ್ರಕಾಶನೊದ 18ನೇ ವರ್ಷೊದ ಸಾಹಿತ್ಯೋತ್ಸವದ ಮಿತ್ತರ್ಮೆಡ್ 18 ಬರವುದ ಪೊದಿಕೆಡ್ ತುಲುತಲಾ ಒಂಜಿ ಪೊದಿಕೆ ಬುಡುಗಡೆ ಆಂಡ್.
ಶ್ರೀ ಪಿ.ವಿ.ಪ್ರದೀಪ್ ಕುಮಾರ್ ರೆನ ಸಾರಥ್ಯೊಡು, ಇನಿ, ಅಕ್ಟೋಬರ್ 26 ನೇ ಐತಾರ, ವಿದ್ಯಾರತ್ನ ಆಂಗ್ಲ ಮಾಧ್ಯಮ ಶಾಲೆ ದೇರಳಕಟ್ಟೆಡ್ ಕಥಾ ಬಿಂದು ಪ್ರಕಾಶನೊದ 18ನೇ ವರ್ಷೊದ ಸಾಹಿತ್ಯೋತ್ಸವ ಡ್ ಶ್ರೀಮತಿ ಕುಶಲಾಕ್ಷಿ ವಿ ಕುಲಾಲ್ (ಕುವಿಕು) ಕಣ್ವತೀರ್ಥ ಮೆರೆನ ಪತ್ತೊಂಜನೆ ಮಸ್ತಿರೆ ಬೋಟಿ ತುಲು ಕಾದಂಬರಿ ಬುಡುಗಡೆ ಆಂಡ್. ಲೇಸ್ದ ಉದಿಪನ ಕ.ಸಾ.ಪ. ರಾಜ್ಯಾಧ್ಯಕ್ಷೆರಾಯಿನ ಧರ್ಮದರ್ಶಿ ಹರಿಕೃಷ್ಣ ಪುನರೂರು ಮಂತೆರ್. ಶ್ರೀ ರವೀಂದ್ರ ಶೆಟ್ಟಿ ಉಳಿದೊಟ್ಟು, ಉಪಾಧ್ಯಕ್ಷೆರ್ ಬಿ.ಜೆ.ಪಿ ದ.ಕ. ಜಿಲ್ಲೆ ಮೆರೆನ ಗುರ್ಕಾರ್ಮೆಡ್ ನಡತಿನ ಲೇಸ್ಡ್ ಶ್ರೀ ಪಿ. ವಿ. ಪ್ರದೀಪ್ ಕುಮಾರ್, ಶ್ರೀ ಶ್ರೀಪತಿ ಭಟ್, ಶ್ರೀ ಭುವನಾಭಿರಾಮ ಉಡುಪ, ಶ್ರೀಮತಿ ಸತ್ಯವತಿ ಕೊಳಚಪ್ಪು ಅತ್ತಂದೆ ಒಂಜಾತ್ ಮಲ್ಲಬಿನ್ನೆರ್ ಜತೆಟಿತ್ತೆರ್.
ಜೋಕುಲೆನ ಮೋಕೆದ ತೆನಸ್ ಬೋಟಿನ್ ಪತೊಂದು ಜೋಕುಲೆ ನಡುಟು ನಡಪುನ ಏದ ಬೇದ, ಲಡಯಿ ಕೋಪ, ಮೋಕೆದ ಅರ್ಕಟ್ಟ್ನ್ ಈ ಕತೆಟ್ ಮೊಡೆಪುನ ಪ್ರಯತ್ನದೊಟ್ಟಿಗೆ ಮಲ್ಲಕುಲು ಜೋಕುಲೆ ಮನಸ್ಡ್ ಇಂಚಿನ ಬಾವೊಲು ಪುಟ್ಟೆರೆ ಎಂಚ ಕಾರಣ ಆಪೆರ್ ಪನ್ಪುನೆನ್ ತೋಜಾವುನ ಪ್ರಯತ್ನಲಾ ಮನ್ತೊಂದು ಹಳ್ಳಿದ ಬದ್ಕ್ನ್ ಈ ಕತೆಟ್ ತೂವೊಲಿ.
ಕುವಿಕು ಮೆರೆನ ಬರವುಲೆನ್ ಓದೊಂದು ಯಾಪಲಾ ಉಮೇದ್ದ ಪಾತೆರೊಡು ಬೆರಿಬೊಟ್ಟುನ ಶ್ರೀ ಮಹೇಶ್ ಪಡುಮಲೆ ಈ ಮಸ್ತಿರೆಕ್ ಸುರೂತ ಪಾತೆರ ಬರೆತೆರ್. ತುಲು ಬರವುದ ಬಿರ್ಸೆ ಶ್ರೀ ಉಮೇಶ್ ಸಿರಿಯಾ ಬೆರಿಬೊಟ್ಟುನ ಮದಿಪು ಬರೆತೆರ್.
ಈ ಮಸ್ತಿರೆ ಬೋಡಿತ್ತಿನಕುಲು ತಿರ್ತ್ ಕೊರ್ತಿನ ನಂಬರ್ಗ್ ಲೆಪ್ಪು ಕೊರೊಲಿ
9605864329