Last updated on October 26th, 2025 at 02:57 pm
ಸುಳ್ಯ, ಅ: 26: ಸುಳ್ಯ ಕೊಯನಾಡ್ ಕೆಎಸ್ಆರ್ಟಿಸಿ ಬಸ್ ಡ್ರೈವರ್ ಒರಿ ಪ್ರಯಾಣಿಕೆರ್ ಬಸ್ರ್ದ್ ಜಪ್ಪೆರೆ ಕೇನ್ನಗ, ಡೋರ್ ದೆಪ್ಪಂದೆ ಗೊಬ್ಬಾವುನ ಬಗೆಟ್ ಸಾರ್ವಜನಿಕೆರೆರ್ದ್ ಡಿಪೋ ಮ್ಯಾನೇಜರ್ಗ್ ಒಯಿಲ್ ಪೋತಿನೆರ್ದಾವರ, ವಿಚಾರಣೆ ಮಲ್ತಿನ ಅಧಿಕಾರಿಲು ಆ ಡ್ರೈವರ್ನ ರೂಟ್ ಪಗತ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ಸುಳ್ಯ – ಕೊಯನಾಡ್ ಬಸ್ಡ್ ಗಫೂರ್ ಪುದರ್ದ ಡ್ರೈವರ್ ಉಲ್ಲೆರ್. ಆರ್ ಪ್ರಯಾಣಿಕೆರ್ ಉಂತುನಲ್ಪ ಬಸ್ ಉಂತಾವುಜೆರ್. ಬಸ್ರ್ದ್ ಜಪ್ಪೆರೆ ಉಂಡು ಪನ್ದ್ ಪ್ರಯಾಣಿಕೆರ್ ಪನ್ನಗ ಬಸ್ದ ಡೋರ್ ದೆಪ್ಪುಜೆರ್ ಪನ್ಪಿ ಒಯಿಲ್ಲ್ ಡಿಪ್ಪೋ ಮ್ಯಾನೇಜರ್ಗ್ ಬತ್ತ್ದ. ಅ.26 ತಾನಿ ಕಾಂಡೆ ಕೊಯನಾಡ್ರ್ದ್ ಸುಳ್ಯಗ್ ಬಸ್ ಬರೊಂದುಪ್ಪುನಗ ಡೋರ್ ದೆಪ್ಪಂದಿನ ವಿಚಾರೊಗು ಪ್ರಯಾಣಿಕೆರೆಡ ಬಸ್ಡೇ ಪಾತೆರೊಗು ಪಾತೆರ ಬುಲೆದ್ಂಡ್. ಬಸ್ಡಿತ್ತಿನ ಪ್ರಯಾಣಿಕೆರ್ ಪುತ್ತೂರು ಅಧಿಕಾರಿಲೆಗ್, ಸುಳ್ಯ ಡಿಪ್ಪೋ ಮ್ಯಾನೇಜರ್ಗ್ ತೆರಿಪಾದೆರ್.
ಈ ದುಂಬು ಡ್ರೈವರ್ ಕಲ್ಲುಗುಂಡಿದ ಗಫೂರ್ನ ಬಗೆಟ್ ಬತ್ತಿನ ಒಯಿಲ್ಲ್ ಅಂಚೆನೇ ಅ.26ತಾನಿ ಪ್ರಯಾಣಿಕೆರ್ ಪನ್ತಿನೆರ್ದಾವರ ಸುಳ್ಯ -ಕೊಯನಾಡ್ ರೂಟ್ರ್ದ್ ಡ್ರೈವರ್ ಗಫೂರ್ ನ್ ಪಗತ್ದೆರ್ ಪನ್ದ್ ತೆರಿದ್ ಬೈದ್ಂಡ್.