Last updated on October 27th, 2025 at 06:20 pm
ಉಬಾರ್, ಅ. 27: ಪಟ್ಟಪಗೆಲ್ಡೇ ಒಂಜಿ ಅಂಗಡಿರ್ದ್ ಲಕ್ಷಗಟ್ಲೆ ಕಾಸ್ ಕನ್ಡ್ದ್ ಪೋತಿನ ನಡಕೆ ಇನಿ ಉಬಾರ್ಡ್ ನಡತ್ದ್ಂಡ್.
ಇನಿ ಮಧ್ಯಾಹ್ನದ ಪೊರ್ತುಡು ಈ ಕಲ್ವೆ ನಡತಿತ್ತ್ದ್, ಪೊಲೀಸೆರ್ ಜಡ್ತೆ ಸುರು ಮಲ್ತ್ದೆರ್. ಈ ಅಂಗಡಿಡ್ ಸಿಸಿ ಕ್ಯಾಮರಾ ಇತ್ತ್ಂಡಲಾ ಅವೆಕ್ ರೀಚಾರ್ಜ್ ಮಲ್ಪಂದೆ ಬುಡ್ದಿತ್ತೆರ್. ಬೊಕಲಾ ಸೋದ್ಯ ದಾದ ಪನ್ಡ, ಕಲ್ವೆದ ಪೊರ್ತುಡು ಅಂಗಡಿದ ಬಾಕಿಲೇ ಪಾಡ್ದಿಜ್ಜಂಡ್, ಅಂಚೆನೇ ಕ್ಯಾಮರಾಲಾ ಆಫ್ ಆದಿತ್ತ್ಂಡ್ಗೆ.
ಲಕ್ಷಗಟ್ಲೆ ರೂಪಾಯಿ ವೈವಾಟ್ ನಡಪುನ ವಾಣಿಜ್ಯ ಸಂಕೀರ್ಣೊಡು ಸಿಸಿ ಕ್ಯಾಮರ ಪಾಡ್ದಿಜ್ಜಂಡ್. ಲೈಸೆನ್ಸ್ ಕೊರ್ನಗ ಪಂಚಾಯತ್, ಕಂದಾಯ, ಅಗ್ನಿಶಾಮಕ ಸೇರ್ದ್ ಸಂಬಂಧಿತಿನ ಇಲಾಖೆಲು ಜಾಗೆ ಪರಿಶೀಲನೆ ಮಲ್ತ್ದ್, ಕಾಪು ಕ್ರಮೊಕ್ಲೆನ್ ಕಡ್ಡಾಯ ಮಲ್ತ್ಂಡ ಇಂಚಿನ ನಡಕೆಲೆನ್ ತಪ್ಪಾವೊಲಿ ಪನ್ದ್ ಸಾರ್ವಜನಿಕೆರೆ ಅಭಿಪ್ರಾಯ. ಜಿಲ್ಲಾಧಿಕಾರಿಗ್ಲಾ ಈ ಬಗೆಟ್ ಒಲವು ಕೊರ್ಯೆರ ಸಾರ್ವಜನಿಕೆರ್ ಬಿನ್ನಪು ಮಲ್ತ್ದೆರ್.