Last updated on October 30th, 2025 at 06:45 pm
ಶಿರ್ವ: ಬೆಳ್ಳೆ ನಾಲ್ಬೀದಿದ ಉದ್ಯಮಿ, ಸಾಮಾಜಿಕ ಕಾರ್ಯಕರ್ತೆ ಎಡ್ಮೇರ್ಗುತ್ತು ಸಂದೀಪ್ ಶೆಟ್ಟಿ (41) ಮೇರ್ ಇನಿ, ಅ. 30ದಾನಿ ಉಸಾರ್ದಾಂತೆ ಒಡಿಪುದ ಪ್ರೈವೇಟ್ ಆಸ್ಪತ್ರೆಡ್ ತೀರ್ದೆರ್.
ಮೇರ್ ಅಪ್ಪೆ ಬೊಕ್ಕ ನಾಲ್ವೆರ್ ಒಪ್ಪ ಪುಟ್ಟಿನಕ್ಲೆನ್ ಅಗತ್ದೆರ್.
ಬೆಳ್ಳೆ ನಾಲ್ಬೀದಿಡ್ ಸನ್ಶೈನ್ ಕೆಟರಿಂಗ್ ವೈವಾಟ್ ನಡಪಾವೊಂದಿತ್ತಿನ ಆರ್ ಎಡ್ಮೇರ್ ನಿಸರ್ಗ ಯುವಕ ಮಂಡಲೊದ ಗೌರವಾಧ್ಯಕ್ಷೆರಾದ್, ಮೂಡುಬೆಳ್ಳೆ ಲಯನ್ಸ್ ಕ್ಲಬ್ದ ಸದಸ್ಯೆರಾದ್ ಸೇವೆ ಮಲ್ತೊಂದಿತ್ತೆರ್. ಧಾರ್ಮಿಕ ಬೊಕ್ಕ ಸಾಮಾಜಿಕವಾದ್ ಸಕ್ರಿಯೆರಾದಿತ್ತಿನ ಆರ್ ಎಡ್ಮೇರ್ ಶ್ರೀ ಜುಮಾದಿ ದೈವಸ್ಥಾನೊದ ಸ್ಥಳ ವಂದಿಗೆರಾದಿತ್ತ್ದ್, ಎಡ್ಮೇರ್ ಜವಣೆರ್ ಕೂಟೊನು ನಡಪಾವೊಂದ್ ಸಮಾಜ ಸೇವೆಡ್ ಪುದರಾದಿತ್ತೆರ್. ಮೆರೆನ ಅಂತ್ಯಕ್ರಿಯೆ ಎಲ್ಲೆ ಶುಕ್ರವಾರ ಕಾಂಡೆ 10 ಗಂಟೆಗ್ ಎಡ್ಮೇರ್ಗುತ್ತು ಇಲ್ಲಡ್ ನಡಪುಂಡು.