ಕಾಸ್ರೋಡ್: ಕಾಲೇಜ್‌ದ ಕೈತಲ್ ಪೊಣ್ಣುಲೆನ್ ಸಾದಿಡ್ ಉಂತಾದ್ ನಂಬರ್ ಕೇನ್ಡಿನ ಆರೋಪ – ಇರ್ವೆರ್ ಅರೆಸ್ಟ್

Last updated on October 14th, 2025 at 08:41 am

ಕಾಸ್ರೋಡ್, ಅ. 14: ಕಾಲೇಜ್ ಕಲ್ಪುನ ಪೊಣ್ಣುಲೆನ ಬೆರಿಯೆ ಪೋದು, ಅಕ್ಲೆಗ್ ಕಿರುಕುಳ ಕೊರ್ಯೆರ ತೂತಿನ ಇರ್ವೆರೆನ್ ಮಂಜೇಶ್ವರ ಸ್ಟೇಶನ್ ಪೊಲೀಸೆರ್ ಕೈದ್ ಮಲ್ತ್‌ದೆರ್. ಉದಿಯಾರ್ ಜಮಾಲುದ್ದೀನ್ ಫೈಝಲ್ ( 39) ಬೊಕ್ಕ ಪೊಸಬೊಟ್ಟು ದ ರಾಫಿಲ್ (45) ಕೈದಾತಿನ ಆರೋಪಿಲು.

ಮಂಜೇಶ್ವರ ಗೋವಿಂದ ಪೈ ಕಾಲೇಜ್ ಸಾದಿಡೆ ನಡತೊಂದು ಪೋವೊಂದಿತ್ತಿನ ಇರ್ವೆರ್ ಪೊಣ್ಣುಲೆನ ಬೆರಿಯೆ ಕಾರ್‌ಡ್ ಬತ್ತಿನ ಮೊಕುಲು ಮೊಬೈಲ್ ನಂಬ್ರ ಕೊರ್ಯೆರ ಕಿರುಕುಳ ಕೊರ್ತೆರ್‌ಗೆ. ಬೊಕ್ಕ ಪೊಣ್ಣುಲು ಎಂಚನಾ ತಪ್ಪಾವೊಂದು ಇಲ್ಲಡೆ ಪೋತೆರ್. ಈ ಬಗೆಟ್ ಪೊಣ್ಣುಲು ಮಂಜೇಶ್ವರ ಸ್ಟೇಶನ್‌ಡ್ ಬರೆಪಾದಿನ ಒಯಿಲ್‌ದ ಪ್ರಕಾರ ಇರ್ವೆರೆನ್ ಕೈದ್ ಮಲ್ದೆರ್.