Last updated on November 6th, 2025 at 09:35 am
ಕುಡ್ಲ, ನ. 05 : ಇನ್ಸ್ಟಾಗ್ರಾಮ್ ಅಕೌಂಟ್ಡ್ ಸಾರ್ವಜನಿಕೆರೆಗ್ ವೈಯಕ್ತಿಕ ಸಮಸ್ಯೆಲೆನ್ ಇತ್ತೆಗ್ ಇತ್ತೆ ಪೂಜೆ ಮಲ್ತ್ದ್ ಪಿರಿಕಟ್ಟ್ ಮಲ್ಪುವೆ ಪನ್ದ್ ಜಾಹೀರಾತು ಕೊರ್ದು, ಆಂಜೊವು ಒರಿಯಗ್ ಸುಮಾರ್ 24,78,274 ರೂ. ಸೈಬರ್ ದಗೆ ಮಲ್ತಿನ ನಡಕೆಗ್ ಸಂಬಂಧಿತ್ದ್ ಮಂಗಳೂರು ಜಿಲ್ಲಾ ಸೈಬರ್ ಅಪರಾಧ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.
ಬೆಂಗಳೂರು, ಯಶವಂತಪುರ ಗೋಕುಲ ಫಸ್ಟ್ ನಿಲವು (ಇತ್ತೆ ಇಪ್ಪುನು: ಶ್ರೀನಿವಾಸ ನಗರ, ಸುಂಕದಕಟ್ಟೆ, ಬೆಂಗಳೂರು) ನಿವಾಸಿ ಆರೋಪಿ ವಾಸುದೇವ ಆರ್ (32) ನ್ ನ. 4 ತಾನಿ ಪೊಲೀಸೆರ್ ದಸ್ತಗಿರಿ ಮಲ್ತ್ದೆರ್.
ಆರೋಪಿನ ಮಿತ್ತ್ ಪೊಲೀಸ್ ಸ್ಟೇಶನ್ಡ್ ಅ.ಕ್ರ. 87-2025, U/S 66(D) IT Act and 318(4) BNS ದ ಪ್ರಕಾರ ಪ್ರಕರಣ ದಾಕಲಾತ್ಂಡ್.
ಆರೋಪಿನ ಕೈರ್ದ್ ಕೃತ್ಯೊಗು ಗಲಸ್ದಿನ 4 ಮೊಬೈಲ್ ಫೋನ್ಲು ಅಂಚೆನೇ 20,300 ರೂ. ಕಾಸ್ನ್ ಸ್ವಾಧೀನೊಗು ಗೆತೊಂದೆರ್. ಸ್ವಾಧೀನ ಮಲ್ದಿನ ಸೊತ್ತುಲೆನ ಒಟ್ಟು ಮೌಲ್ಯ 1,60,300 ರೂ. ಆದುಂಡು.
ಆರೋಪಿನ್ ನ.5 ತಾನಿ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್, ನ್ಯಾಯಾಂಗ ಕೈದ್ ಕೊರ್ತೆರ್.