Last updated on November 6th, 2025 at 11:00 am
ಬೊಳ್ಮಣ್, ನ. 06: ಬೊಳ್ಮಣ್ ಪೆರಾಲ್ಪಾದೆ ಪನ್ಪಿನಲ್ಪ ಒಂಜಿ ಕಾರ್, ನಡತೊಂದು ಪೋವೊಂದಿತ್ತಿನಾರೆಗ್ ಎಡ್ತ್ದ್ ಕಬ್ಬೆ ಬೂರ್ದಿನ ನಡಕೆ ನ. 5ತ ಬಯ್ಯಡ್ ನಡತ್ದ್ಂಡ್. ಎಡ್ತೆಡ್ ಗಾತಿದ ಗಡಿಕುಲಾದಿತ್ತಿನ ನಡತೊಂದು ಪೋವೊಂದಿತ್ತಿನಾರೆನ್ ಮರ್ದ್ಗ್ ಆಸ್ಪತ್ರೆಗ್ ಲೆತೊಂದು ಪೋಪುನ ಸಾದಿ ನಡುಟೇ ತೀರ್ದೆರ್.
ಬೊಳ್ಮಣ್ ಗ್ರಾಮೊದ ಅರಣ್ಯ ಇಲಾಖೆ ಕಚೇರಿದ ಕೈತಲ್ಡೆ ಪೋತಿನ ಕಾರ್ಲ-ಪಡ್ಡೆದ್ರ ರಾಜ್ಯ ಪೆರ್ಸಾದಿಡ್ ನಿಟ್ಟೆ ವಿದ್ಯಾಸಂಸ್ಥೆದ ಐವೆರ್ ವಿದ್ಯಾರ್ಥಿಲು ಕಾರ್ನ್ ಪಡ್ಡೆದ್ರ ದಂಚಿ ಬಾರೀ ಬರಸ್ಡ್ ಬುಡೊಂದು ಪೋದು, ಸಾದಿ ಬರಿಟೆ ನಡತೊಂದು ಪೋವೊಂದಿತ್ತಿನ ಬೊಳ್ಮಣ್ ಸಾಂತೂರು ಕೊಪ್ಪಲ ನಿವಾಸಿ ಸುರೇಶ್ (65) ಪನ್ಪಿನಾರೆಗ್ ಪಿರವುರ್ದ್ ಎಡ್ತ್ದ್ ಬೊಕ್ಕ ಕಾರ್ನ್ ಒರಾನೆ ಸಾದಿದ ಬಲತಮೆಯಿಕ್ ತಿರ್ಗಾದ್ ಮರಕ್ ಎಡ್ತ್ದೆರ್. ಅಂಚಾದ್ ಕಾರ್ ಕಬ್ಬೆ ಬೂರ್ದಿತ್ತ್ದ್, ಎಡ್ತೆದ ಬರಸ್ಗ್ ಸುರೇಶೆರೆಗ್ ಗಾತಿದ ಗಡಿಕುಲಾದಿತ್ತ್ಂಡ್. ಆರೆನ್ ಮರ್ದ್ಗ್ ಆಸ್ಪತ್ರೆಗ್ ಲೆತೊಂದು ಪೋಪುನ ಸಾದಿ ನಡುಟೇ ತೀರ್ದೆರ್ . ಕಾರ್ಡ್ ಇತ್ತಿನ ಐವೆರ್ ವಿದ್ಯಾರ್ಥಿಲೆಗ್ಲಾ ಗಡಿಕುಲಾದಿತ್ತ್ದ್, ಆಸ್ಪತ್ರೆಡ್ ಮರ್ದ್ ನಡತೊಂದುಂಡು.
