Last updated on November 6th, 2025 at 11:27 am
ತಿರುವನಂತಪುರಂ, ನ. 06: 12 ವರ್ಸ ಪ್ರಾಯೊದ ಪೊಣ್ಣನ ಮಿತ್ತ್ ಅತ್ಯಾಚಾರ ಮಲ್ತಿನ ಪ್ರಕರಣೊಗು ಸಂಬಂಧಿತ್ದ್ ಕೇರಳ ವಿಶೇಷ ಪೋಕ್ಸೊ ನ್ಯಾಯಂತಡೆ ಪೊಣ್ಣನ ಅಪ್ಪೆ ಬೊಕ್ಕ ಆಲೆನ ಚಙ್ಗಾಯಿಗ್ 180 ವರ್ಸ ಕರ್ಪಿಲ್ಲ ಶಿಕ್ಷೆ ಕೊರ್ದು ತೀರ್ಪು ಪ್ರಕಟ ಮಲ್ದ್ಂಡ್.
ಕಂಡನ್ಯರ್ದ್ ದೂರ ಆದಿತ್ತಿನ ಪೊಂಜೊವು ತಾನ್ ಮೋಕೆ ಮಲ್ತೊಂದಿತ್ತಿನಾಯನ ಒಟ್ಟುಗು ಇತ್ತಲ್. ಪೊಂಜೊವುನ ಈ ಚಙ್ಗಾಯಿ ರಡ್ಡ್ ವರ್ಸೊರ್ದಿಂಚಿ ಆಲೆನ ಪೊಣ್ಣು ಬಾಲೆದ ಮಿತ್ತ್ ಅತ್ಯಾಚಾರ ಮಲ್ತ್ದೆ. ತನ್ನ ಮಗಲೆನ ಮಿತ್ತ್ ಅತ್ಯಾಚಾರ ಮಲ್ಪೆರ ಆ ಪೊಂಜೊವೇ ಕೈ ಗೋಡ್ಯಾದಿತ್ತಲ್.
ಇರ್ವೆರೆಗ್ಲಾ ಪ್ರತಿ ವಿಭಾಗೊದ ಅಡಿಟ್ 40 40 ವರ್ಸೊದ ಕಠಿಣ ಕರ್ಪಿಲ್ಲ್ ಶಿಕ್ಷೆ ಅಂಚೆನೇ 11.75 ಲಕ್ಷ ರೂ. ದಂಡ ನ್ಯಾಯಂತಡೆ ಪಾಡ್ದ್ಂಡ್. ದಂಡದ ಕಾಸ್ ಕಟ್ಟ್ಜಿಂಡ, ಇರ್ವೆರ್ಲಾ ಎಚ್ಚಿಗೆ 20 ತಿಂಗೊಲು ಕರ್ಪಿಲ್ಲ ಶಿಕ್ಷೆ ತಿನೊಡು ಪನ್ದ್ ಪೋಕ್ಸೊ ವಿಶೇಷ ನ್ಯಾಯಂತಡೆದ ನ್ಯಾಯಾಧೀಶೆ ಅಶ್ರಫ್ ಎ.ಎಂ. ಆದೇಶ ಕೊರ್ತೆರ್. ಪೋಕ್ಸೊ ಕಾಯ್ದೆದ ಬೇತೆ ಬೇತೆ ವಿಭಾಗೋಲೆನ ಅಡಿಟ್ ದೋಷಿಲು ಪನ್ದ್ ತೀರ್ಪು ಕೊರ್ತೆರ್.
ಪೋಕ್ಸೊ ಕಾಯ್ದೆದ ಅಡಿಟ್ ಒರ್ತಿ ಪೊಂಜೊವುಗು ಕೊರ್ತಿನ ಬಾರೀ ಕಠಿಣ, ಬಂಙೊದ ಶಿಕ್ಷೆ ಉಂದು ಪನ್ದ್ ಪಬ್ಲಿಕ್ ಪ್ರಾಸಿಕ್ಯೂಟರ್ ತೆರಿಪಾದೆರ್.