Last updated on November 6th, 2025 at 01:04 pm
ಬೆಂಗಳೂರು, ನ. 06: ಕನ್ನಡ ಚಿತ್ರರಂಗೊದ ಪುಗರ್ತೆದ ನಟೆ, ತುಳು ಚಿತ್ರರಂಗೊಡ್ಲಾ ರಂಗ್ ಪಾಡ್ದಿನ ಕಲಾವಿದೆ ಹರೀಶ್ ರಾಯ್ ಮೇರ್ ಇನಿ ತೀರ್ಯೆರ್. 55 ವರ್ಸ ಪ್ರಾಯ ಆದಿತ್ತಿನ ಮೆರೆನ್ ಕ್ಯಾನ್ಸರ್ ಬಲಿ ಗೆತೋಂದುಂಡು. ಕೆಲ ವರ್ಸೊರ್ದಿಂಚಿ ಮೇರ್ ಕ್ಯಾನ್ಸರ್ಡ್ ನರೆಲೊಂದಿತ್ತೆರ್.
ಕ್ಯಾನ್ಸರ್ ಇತ್ತಿನ ಮೇರ್ ಕಿದ್ವಾಯಿ ಆಸ್ಪತ್ರೆಡ್ ಮರ್ದ್ ಮಲ್ತೊಂದಿತ್ತೆರ್. ಕಾಂಡೆ 11 ಗಂಟೆದ ಅಂದಾಜಿಗ್ ಆರ್ ಮರ್ದ್ ಪಲಿಪಂದೆ ತೀರ್ದೆರ್. ಮೇರ್ ಇರ್ವೆರ್ ಜೋಕುಲು, ಬೊಡೆದಿನ್ ಅಗತ್ದೆರ್. ಲಡ್ಡ್ ದಶಕೊರ್ದು ಎಚ್ಚ ಕಾಲ ನಟನಾರಂಗೊಡು ಇತ್ತೆರ್. ಕೆಜಿಎಫ್ ಸಿನಿಮಾರ್ದ್ ಬೊಕ್ಕ ಆರ್ ಕೆಜಿಎಫ್ ಚಾಚಾ ಪನ್ದೇ ಪುದರಾದಿತ್ತೆರ್.
ಒಡಿಪು ಮೂಲೊದಾರ್ ಆಯಿನ ಹರೀಶ್ ರಾಯ್ರೆಗ್ ರಥಬೀದಿಡ್ ಸ್ವಂತ ನೋವೆಲ್ಟಿ ಬಂಗಾರ್ದ ಕಟ್ಟೆ ಇತ್ತ್ಂಡ್. ಬೊಕ್ಕ ತನ್ನ ಬಂಗಾರ್ದಕಟ್ಟೆನ್ ಪಲಯಗ್ ಬುಡ್ದು ಕೊರ್ದು ಚಿತ್ರರಂಗೊಗು ಕಾರ್ದೀದಿತ್ತೆರ್.
2016 ಟ್ ಬುಡುಗಡೆ ಆತಿನ ತುಳು ಪಿಚ್ಚರ್ ‘ಪನೊಡಾ ಬೊಡ್ಚಾ?’ ಡ್ ಹರೀಶ್ ರಾಯ್ ವಿಲನ್ ಪಾರ್ಟ್ ಪಾಡ್ದಿತ್ತೆರ್.