Last updated on November 6th, 2025 at 04:10 pm
ಬಜತ್ತೂರು, ನ. 06: ಬಜತ್ತೂರು ಗ್ರಾಮೊದ ಪರನೇರಂಕಿ ಮುಹಿಯುದ್ದೀನ್ ಜುಮಾ ಪಲ್ಲಿಗ್ ಅಲ್ಪ ಸಂಖ್ಯಾತೆರೆ ಕಲ್ಯಾಣ ಇಲಾಖೆರ್ದ್ 25 ಲಕ್ಷ ರೂ ಮಂಜೂರು ಆತ್ಂಡ್ ಪನ್ದ್ ಶಾಸಕೆ ಅಶೋಕ್ ರೈ ತೆರಿಪಾದೆರ್.
ಈ ಪಲ್ಲಿ ಬಾರೀ ಪಿರಾಕ್ದ ಪಲ್ಲಿ ಆದಿತ್ತ್ದ್, ಪಲ್ಲಿದ ಕಟ್ವಾನ ಶಿಥಿಲಾವಸ್ಥೆಡ್ ಇತ್ತಿನೆರ್ದಾವರ ನವೀಕರಣೊಗು ಅನುದಾನ ಕೊರೊಡು ಪನ್ದ್ ಪಲ್ಲಿದ ಆಡಳಿತ ಸಮಿತಿ ಶಾಸಕೆರೆಗ್ ಬಿನ್ನಪು ಮಲ್ತಿತ್ತೆರ್. ಆತೇ ಅತ್ತಂದೆ ಪಲ್ಲಿಗ್ ಸುತ್ತುಮದೆಲ್ಲಾ ಅಗತ್ಯವಾದ್ ಬೋಡಿತ್ತ್ದ್ ಅವೆಕ್ ಅನುದಾನ ಕೊರೊಡು ಪನ್ದ್ ಕೇನ್ದಿತ್ತೆರ್.
ಗುರುವಾರ ವಕ್ಫ್, ಅಲ್ಪ ಸಂಖ್ಯಾತ ಕಲ್ಯಾಣ ಸಚಿವೆ ಜಮೀರ್ ಅಹ್ಮದ್ ರೆನ್ ಭೇಟಿ ಆಯಿನ ಶಾಸಕೆ ಅಶೋಕ್ ರೈಕುಲು ಅನುದಾನೊದ ಬಗೆಟ್ ಸಚಿವೆರೆಡ ಪಾತೆರ್ದ್ ಬಿನ್ನಪು ಸಂದಾದೆರ್.
ಪಲ್ಲಿದ ನವೀಕರಣೊಗು 15 ಲಕ್ಷ ಬೊಕ್ಕ ಸುತ್ತುಮದೆಲ್ದ ಬೇಲೆಗ್ 10 ಲಕ್ಷ ರೂ ಅನುದಾನೊನು ಅಲ್ಪ ಸಂಖ್ಯಾತೆರೆನ ಕಲ್ಯಾಣ ಇಲಾಖೆರ್ದ್ ಮಂಜೂರು ಮಲ್ತ್ದೆರ್.