Last updated on November 28th, 2025 at 09:22 am
ಒಡಿಪು,ನ. 28: ಮಣಿಪಾಲದ ಆರ್ಎಸ್ಬಿ ಹಾಲ್ದ ಬರಿತ ಪ್ರೈವೇಟ್ ರೆಸ್ಟೋರೆಂಟ್ಡ್ ಗುರುವಾರ ಬಯ್ಯಡ್ ಶಾರ್ಟ್ ಸರ್ಕ್ಯೂಟ್ರ್ದಾವರ ಸೂ ಪತೊಂದು ಬೊಕ್ಕ ರಡ್ಡ್ ಗ್ಯಾಸ್ ಸಿಲಿಂಡರ್ಲು ಪುಡದ್ ಸೂ ಪತೊಂದುಂಡು.
ಸೂ ರಪಕ್ಕ ಬರಿತ ಅಂಗಡಿಗ್ ಪಗರ್ದ್, ಬಾರೀ ಹಾನಿ ಮಲ್ದ್ಂಡ್. ರೆಸ್ಟೋರೆಂಟ್ದ ಕೈತಲ್ ಉಂತಾದಿತ್ತಿನ ಕಾರ್ಗ್ಲಾ ಹಾನಿ ಆತ್ಂಡ್ ಅಂಚೆನೇ ಬರಿತ ಹೋಟೆಲ್ಲಾ, ಪುಡತಿನ ಪೆಟ್ಟ್ಗ್ ಹಾನಿ ಆತ್ಂಡ್. ದೇಬೆರೆ ದಯೆಟ್, ಏರೆಗ್ಲಾ ಗಡಿಕುಲಾತಿಜ ಪನ್ದ್ ತೆರಿದ್ ಬೈದ್ಂಡ್.
ಜಾಗೆಗ್ ಬತ್ತಿನ ಅಗ್ನಿಶಾಮಕ ಬೊಕ್ಕ ತುರ್ತ ಸೇವೆಲೆನ ಸಿಬ್ಬಂದಿ ಪರಿಸ್ಥಿತಿನ್ ಅಂಕೆಗ್ ಕನತೆರ್. ಕೈತಲ್ದ ಕಟ್ವಾನೊಲೆಗ್ ಸೂ ಪಗರುನೆನ್ ಉಂತಾದೆರ್.
ದೆಹಲಿ ಡಾಬಾ ರೆಸ್ಟೋರೆಂಟ್ದ ಉಲಯಿ ಶಾರ್ಟ್ ಸರ್ಕ್ಯೂಟ್ರ್ದಾವರ ಈ ನಡಕೆ ನಡತ್ದ್ಂಡ್ ಪನ್ದ್ ಒಡಿಪು ಎಸ್ಪಿ ಹರಿರಾಮ್ ಶಂಕರ್ ಸ್ಪಷ್ಟ ಮಲ್ದೆರ್, ಅಗ್ನಿಶಾಮಕ ಇಲಾಖೆ ಬೊಕ್ಕ ಪೊಲೀಸೆರ್ಲಾ ಜಾಗೆದ ಪರಿಶೀಲನೆ ಮಲ್ತ್ದೆರ್ ಪನ್ದ್ ದೃಢ ಮಲ್ದೆರ್. “ಒವ್ವೇ ಅನುಮಾನ ಇಜ್ಜಿ. ಪೊಕ್ಕಡೆ ಕಲುಸುದ್ದಿಲು ಪಗರುನೆನ್ ಉಂತಾಯೆರ ಏನ್ ಈ ಸ್ಪಷ್ಟೀಕರಣ ಕೊರೊಂದುಲ್ಲೆ. ಏರೆಗ್ಲಾ ಗಡಿಕುಲಾತಿಜ” ಪನ್ದ್ ಆರ್ ಪನ್ಡೆರ್.