Last updated on November 15th, 2025 at 09:57 am
ಕುಡ್ಲ, ನ. 15 : ಸಿಎನ್ಜಿ ಟ್ಯಾಂಕರ್ ತೋರೊಂದುಪ್ಪುನ ತೋಜಿದ್ ಬತ್ತಿನೆರ್ದಾವರ ಮುಲ್ಪದಕ್ಲೆಗ್ ಒಂತೆ ಪೊರ್ತು ಪೋಡಿಗೆದ ವಾತಾವರಣ ಉಂಡಾಯಿನ ನಡಕೆ ತೊರ್ತಲ್ ಜಂಕ್ಷನ್ ದಲ್ಪ ಹರ್ಷಾ ಶೋರೂಂ ದ ಕೈತಲ್ ಶುಕ್ರವಾರ ರಾತ್ರೆ ನಡತ್ದ್ಂಡ್.
ಬೈಕಂಪಾಡಿದ ಗೇಲ್ ಪಂಪ್ ರ್ದ್ ಸಿಎನ್ಜಿ ದಿಂಜಾವೊಂದು ತೊರ್ತಲ್ ದಂಚಿ ಪೋವೊಂದಿತ್ತಿನ ಟ್ಯಾಂಕರ್ಡ್ ಲೀಕೇಜ್ ಸುರು ಆತ್ಂಡ್ ಪನ್ದ್ ವರದಿ ಆತ್ಂಡ್. ಅಪಗನೇ ಡ್ರೈವರ್ ರಾಷ್ಟ್ರೀಯ ಪೆರ್ಸಾದಿದ ಬರಿಟ್ ಗಾಡಿನ್ ಉಂತಾದ್, ಬೈದಿ ಪಡಾಯಿದ ಬಗೆಟ್ ಸಂಬಂಧಿತಿನ ಅಧಿಕಾರಿಲೆಗ್ ಒಲವು ಕೊರ್ತೆರ್
ದುಂಬೆಚ್ಚರ್ಗೆದ ಕ್ರಮ ಆದ್, ರಾಷ್ಟ್ರೀಯ ಪೆರ್ಸಾದಿನ್ ತಾತ್ಕಾಲಿಕವಾದ್ ಬಂದ್ ಮಲ್ತಿತ್ತ್ದ್ ಬೋಡಾಪಿನ ಸುರಕ್ಷತಾ ಕ್ರಮೊಕ್ಲೆನ್ ಗೆತೊಂದೆರ್.
ಸಿಎನ್ಜಿ ಎಲ್ಪಿಜಿದಾತ್ ಡೇಂಜರ್ ಅತ್ತ್ಂಡಲಾ, ಉಂದು ನೈಸರ್ಗಿಕ ಅನಿಲದ ಭಾಗ ಆದುಂಡು. ಓಲಾಂಡಲಾ ಮಲ್ಲ ಮಟ್ಟ್ಡ್ ಸೂ ಪತೊಂಡ್ಂಡ ಸಿಲಿಂಡರ್ ಪುಡಪುನ ಸಾಧ್ಯತೆ ಉಂಡು ಪನ್ದ್ ತಜ್ಞೆರ್ ತೆರಿಪಾದೆರ್. ಅಂಚಾದ್ ತಾಪುರ್ತೋಪು ಕಾಪುಕ್ರಮೊಕ್ಲೆನ್ ಅಧಿಕಾರಿಲು ಗೆತೊಂದೆರ್.