Last updated on November 21st, 2025 at 10:40 am
ಎಲ್ಯಮಗಲ್ನೂರು, ನ. 21: ಚಿಟ್ಟೆಪಿಲಿತ ದಾಳಿಡ್ 5 ವರ್ಸ ಪ್ರಾಯೊದ ಪೊಣ್ಣು ಬಾಲೆ ತೀರ್ದಿನ ನಡಕೆ ಕಡೂರು ತಾಲೂಕ್ದ ನವಿಲೇಕಲ್ ಗುಡ್ಡೆ ಡ್ ನಡತ್ದ್ಂಡ್.
ಚಿಟ್ಟೆಪಿಲಿ ದಾಳಿಡ್ ತೀರ್ದಿನ ಬಾಲೆನ್ ಸಾನ್ವಿ (5) ಪನ್ದ್ ಗುರ್ತ ಪತ್ತ್ದೆರ್.
ಇಲ್ಲ ಪಿರವುದ ಕೊಟ್ಯಡ್ ಬಾಲೆದ ಮಿತ್ತ್ ಚಿಟ್ಟೆಪಿಲಿ ಲಾಗಿದ್ಂಡ್. ಈ ಪೊರ್ತುಡು ಬಾಲೆ ಬುಲಿಪುನೆನ್ ಕೇನ್ದ್ ಅಪ್ಪೆಅಮ್ಮೆ ಪಿದಯಿ ಬತ್ತ್ದೆರ್. ಅಕ್ಲೆನ ಎದರುಡೇ ಚಿಟ್ಟೆಪಿಲಿ ಬಾಲೆನ್ ಕಾಡ್ಗ್ ಒಯ್ತೊಂದು ಪೋತುಂಡು ಪನ್ದ್ ತೆರಿದ್ ಬೈದ್ಂಡ್.
ಊರುದಕುಲು ನಾಡ್ನಗ ಕಾಡ ಬರಿಟ್ ಬಾಲೆದ ಪುನ ತಿಕ್ಕ್ದ್ಂಡ್. ಬೀರೂರು ಪೊಲೀಸ್ ಸ್ಟೇಶನ್ಡ್ ಈ ಬಗೆಟ್ ಪ್ರಕರಣ ದಾಕಲಾತ್ಂಡ್.
ಚಿಟ್ಟೆಪಿಲಿತ ಪೋಡಿಗೆಡ್ ಕಂಡ, ತೋಟಗ್ ಬೇಲೆ ಪೋಪುನ ಕೂಲಿ ಕಾರ್ಮಿಕೆರ್, ಶಾಲೆ ಕಾಲೇಜ್ ಪೋಪುನ ಜೋಕುಲು ಜೂವ ಕೈಟ್ ಪತೊಂದು ಪೋವೊಡಾಯಿನ ಸ್ಥಿತಿ ಬೈದ್ಂಡ್. ಅರಣ್ಯ ಇಲಾಖೆ ಅಧಿಕಾರಿಲು ಬೇಗೊಡೇ ಚಿಟ್ಟೆಪಿಲಿನ್ ಪತ್ತೊಡು. ಬಾಲೆದ ಸಾವುಗು ಬೋಡಾಪಿನ ಪಿರಿಕಟ್ಟ್ ಕೊರೊಡು ಪನ್ದ್ ಊರುದಕುಲು ಆಗ್ರಹ ಮಲ್ತ್ದೆರ್.