ಕಡಬ ತಾಲೂಕು ತುಳು ಸಮ್ಮೇಳನೊದ ಲೆಕ್ಕೊಡು ಇನಿ ಕಾಣಿಯೂರುಡು ನಡತೊಂದುಂಡು ‘ತುಳು ನಲಿಕೆ ಭಜನೆ ಪಂತೊ’

Last updated on November 9th, 2025 at 07:50 am

ಕಡಬ, ನ. 09: ನೇತ್ರಾವತಿ ತುಳು ಕೂಟ ರಾಮಕುಂಜ ಉಂದೆತ ಮುತಾಲಿಕೆಡ್, ತೆಗ್‌ರ್ ತುಳುಕೂಟ ನೂಜಿಬಾಳ್ತಿಲ ಉಂದೆತ ನಿರೆಲ್‌ಡ್ ಕಡಬ ಕುಟ್ರುಪ್ಪಾಡಿ ಕೇಪು ಶ್ರೀ ಮಹಾಗಣಪತಿ ಲಕ್ಷ್ಮೀ ಜನಾರ್ಧನ ಆಂಜನೇಯ ದೇಲಂತಡೆದ ಸಭಾಭವನೊಡು ಡಿಸೆಂಬರ್ 21 ತಾನಿ ಕಡಬ ತಾಲೂಕ್‌ದ ಕಡೀರ ತುಳು ಸಮ್ಮೇಳನೊ ನಡಪರೆಗುಂಡು. ಉಂದೆತ ಲೆಕ್ಕೊಡು ಅಟ್ಟನೆ ಮಲ್ದಿನ ಬೇತೆ ಬೇತೆ ಪಂತೊಲೆಡ್ ಒಂಜಾಯಿನ ‘ನಲಿಕೆ ಭಜನೆ’ ಪಂತೊ ಪಿಂಗಾರ ತುಳುಕೂಟ ಕಾಣಿಯೂರು ಬೊಕ್ಕ ಪ್ರಗತಿ ವಿದ್ಯಾಸಂಸ್ಥೆ ಕಾಣಿಯೂರು ಉಂದೆದ ಒಟ್ಟುಸೇರಿಗೆಡ್ ಇನಿ, ನವೆಂಬರ್ 9 ದಾನಿ ಕಾಂಡೆ 9:30 ರ್ದ್ ಪ್ರಗತಿ ವಿದ್ಯಾಸಂಸ್ಥೆಡ್ ನಡಪರೆಗುಂಡು.

ಈ ಪಂತೊ ಪ್ರಾಥಮಿಕ, ಪ್ರೌಢ, ಕಾಲೇಜ್(ಪಿಯು ಬೊಕ್ಕ ಡಿಗ್ರಿ) ಅಂಚೆನೇ ಸಾರ್ವಜನಿಕ ಪನ್ಪಿ ನಾಲ್ ವಿಭಾಗೊಡು ನಡಪುಂಡು. ತುಳು ಭಜನೆಲೇ ಆದುಪ್ಪೊಡು. ಒಂಜಿ ಭಜನಾ ಕೂಟೊಡು ಕಮ್ಮಿಡ್ 10  ಜನ ಎಚ್ಚ ಪನ್ಡ 12 ಜನ ಇಪ್ಪೊಲಿ. ಕ್ಯಾಸೆಟ್ ರೆಕಾರ್ಡಿಂಗ್ ಗಲಸೆರೆ ಇಜ್ಜಿ.