“ಎತ್ತಿನಹೊಳೆ ಯೋಜನೆದ ನೀರ್‌ನ್ ಬೆಂಗಳೂರ್‌ದ ಕೈಗಾರಿಕೆಲೆಗ್ ಗಲಸುನೆಕ್ ಎನ್ನ ವಿರೋಧ ಉಂಡು”- ಪುತ್ತೂರು ಕಾಂಗ್ರೇಸ್ ಶಾಸಕೆ ಅಶೋಕ್ ರೈಕುಲು

Last updated on November 10th, 2025 at 02:17 pm

ಪುತ್ತೂರು, ನ. 10: ಎತ್ತಿನಹೊಳೆ ಯೋಜನೆದ ನೀರ್‌ನ್ ಬೆಂಗಳೂರ್‌ದ ಕೈಗಾರಿಕೆಲೆಗ್ ಗಲಸುನ ರಾಜ್ಯ ಸರಕಾರೊದ ಪ್ರಸ್ತಾಪೊಗು ಪುತ್ತೂರು ಶಾಸಕೆ ಅಶೋಕ್ ಕುಮಾರ್ ರೈ ವಿರೋಧ ತೂಪಾದೆರ್.

ಮಾಧ್ಯಮೊಲೆನ ಪ್ರಶ್ನೆಗ್ ಸದು ಕೊರ್ನ ಆರ್ ಮಂಗಳೂರು ಜಿಲ್ಲೆಡ್ಲಾ ಎಂಕ್ಲೆಗ್ ಪರ್ಪಿ ನೀರ್‌ಗ್ ಎತ್ವಾರ ಆತ್ಂಡ್. ಜಿಲ್ಲೆಡ್ ಫೆಬ್ರವರಿ, ಮಾರ್ಚ್ ತಿಂಗೊಲುರ್ದೇ ಪರ್ಪಿ ನೀರ್‌ದ ಎತ್ವಾರ ಸುರು ಪುಂಡು. ಅಂತರ್ ಜಲ ಕುಂದೊಂದಿತ್ತ್‌ದ್, ಬೆನ್ನಿ ಬುಲೆಕ್ ಬೋಡಾಪಿನ ನೀರ್‌ಲಾ ಬೋರ್‌ವೆಲ್ ಲೆಡ್ ತಿಕ್ಕೊಂದಿಜ್ಜಿ, ಅಂಚ ಇಪ್ಪುನಗ ಬೆಂಗಳೂರ್‌ದ ಕೈಗಾರಿಕೆಲೆಗ್ ನೀರ್ ಸಪ್ಲೈ ಮಲ್ಪುನು ಏತ್ ಸಮ, ಈ ಯೋಜನೆಗ್ ಎನ್ನ ಪೂರ್ಣ ವಿರೋಧ ಉಂಡು ಪನ್ದ್ ಪನ್ಡೆರ್.

ಎತ್ತಿನಹೊಳೆ ಯೋಜನೆದ ನೀರ್‌ನ್ ಕೈಗಾರಿಕೆಲೆಗ್ ಸಪ್ಲೈ ಮಲ್ಪೆರ ದುಂಬು ಪಶ್ಚಿಮವಾಹಿನಿ ಯೋಜನೆಗ್ ಬೋಡಾಪಿನ ಅನುದಾನ ಬುಡುಗಡೆ ಮಲ್ಪುಲೆ, ಜಿಲ್ಲೆಡ್ ಪರಪಿ ಸುದೆಕ್ಲೆಗ್ ಅಣೆಕಟ್ಟಲೆನ್ ಕಟ್ಟ್‌ದ್ ನೀರ್ ಉಂತಾವುನ ಯೋಜನೆಲೆಗ್ ಅನುದಾನ ಕೊರ್ದು ಬೊಕ್ಕ , ಬೆಂಗಳೂರ್‌ದ ಕೈಗಾರಿಕೆಲೆಗ್ ಎತ್ತಿನಹೊಳೆ ನೀರ್ ಕೊರ್ಪುನ ಬಗೆಟ್ ಅಲೆಚನೆ ಮಲ್ಪುಲೆ. ಇಜ್ಜಿಂಡ ಯೋಜನೆಗ್ ವಿರೋದ ತೂಪಾವೊಡಾಪುಂಡು. ಸರಕಾರ ಎತ್ತಿನಹೊಳೆ ಯೋಜನೆಗ್ ಏತ್ ಅನುದಾನ ಕೊರೊಂದುಂಡಾ ಆತೇ ಅನುದಾನೊನು ಪಶ್ಚಿಮವಾಹಿನಿ ಯೋಜನೆಗ್ಲಾ ಕೊರ್ಲೆ, ಎಂಕ್ಲೆಗ್ ಪರ್ಪಿನ ನೀರ್‌ದ ಅವಶ್ಯಕತೆ ಉಂಡು ಪನ್ದ್ ಪನ್ಡೆರ್.