Last updated on November 10th, 2025 at 08:09 pm
ದೆಲ್ಲಿ, ನ. 10: ನವದೆಹಲಿದ ಕೆಂಪುಕೋಟೆ ಮೆಟ್ರೋ ಉಂತಡೆದ ಗೇಟ್ದ ಕೈತಲ್ ಕಾರ್ ಒಂಜಿ ಸ್ಫೋಟ ಆತ್ಂಡ್. ಈ ನಡಕೆರ್ದಾವರ ಕೈತಲ್ದ ಗಾಡಿಲೆಗ್ ಸೂ ಪತೊಂದುಂಡು. ಇತ್ತೆ ಬತ್ತಿನ ಒಲವುದ ಪ್ರಕಾರ ದುರಂತೊಡು ಕಮ್ಮಿಡ್ 9 ಜನ ತೀರ್ದಿತ್ತ್ದ್, ಸ್ಫೋಟದ ಪೆಟ್ಟ್ಗ್ ಪುನೊಕುಲು ಸಾದಿಡೆ ಚಿಪ್ಪುಡ್ ಚೂರ್ ಆದ್ ಬೂರ್ದ ಪನ್ದ್ ತೆರಿದ್ ಬೈದ್ಂಡ್.
ಜಾಗೆಗ್ ಅಗ್ನಿಶಾಮಕ ದಳೊದ ಸಿಬ್ಬಂದಿಲು ಬತ್ತ್ದ್ ಸೂ ತೆಕ್ಕಾವೊಂದುಲ್ಲೆರ್. ವಿಷಯ ತೆರಿಯೊಂದಿತ್ತಿಲೆಕನೆ ಪೆರಿಯ ಅಧಿಕಾರಿಲುಲಾ ಜಾಗೆಗ್ ಪಾರ್ಬತ್ತಿತ್ತ್ದ್, ಸ್ಫೋಟಗ್ ನೆವನ ದಾದ ಪನ್ದ್ ಪರಿಶೀಲನೆ ಮಲ್ತೊಂದುಲ್ಲೆರ್. ಈ ನಡಕೆದ ಬೆರಿಟೇ ದೆಲ್ಲಿ ಮಾತ್ರ ಅತ್ತಂದೆ ಮುಂಬೈ ಡ್ಲಾ ಹೈ ಅಲರ್ಟ್ ಘೋಷಣೆ ಮಲ್ತ್ದೆರ್.
ನದಿನೈನ್ ಜನೊನು ಲೋಕ ನಾಯಕ ಆಸ್ಪತ್ರೆಗ್ ಲೆತೊಂದು ಪೋದಿತ್ತ್ದ್, ಅವಟ್ ಎಣ್ಮ ಜನ ಆಸ್ಪತ್ರೆ ಎತ್ತೆರೆ ದುಂಬೇ ತೀರ್ದಿತ್ತೆರ್. ಮೂವೆರೆನ ಸ್ಥಿತಿ ಗಾತಿಡ್ ಉಂಡು ಪನ್ದ್ ತೆರಿದ್ ಬೈದ್ಂಡ್.