Last updated on November 27th, 2025 at 04:10 pm
ಬಂಟ್ವಾಳ, ನ. 27: ಸಜೀಪನಡು ಗ್ರಾಮೊದ ದೇರಾಜೆದ ದೀಕ್ಷಿತ್ ಮೆರೆನ ಇಲ್ಲಗ್ ಕರೆಂಟ್ ರಿಪೇರಿದಾಯನ ಲೆಕ ಪೊಗ್ಗಿನ ಕಲ್ವೆ ಒರಿ 42 ಸಾರ ರೂ. ಮೌಲ್ಯೊದ 7 ಗ್ರಾಂ ಬಂಗಾರ್ ಬೊಕ್ಕ 6 ಸಾರ ರೂ. ಕಾಸ್ ಕನ್ಡ್ದಿನ ನಡಕೆ ನಡತ್ದ್ಂಡ್.
ಇಲ್ಲಡ್ ಸರೋಜಿನಿ ಪನ್ಪಿನಾರೆನ್ ಉಂತಾದ್ ಇಲ್ಲದಕುಲು ಪಾಣೇರ್ಗ್ ಮದಿಮೆಗ್ ಪೋದಿತ್ತೆರ್. ಮಧ್ಯಾಹ್ನ 2-3 ತ ಅಂದಾಜಿಗ್ ಗುರ್ತದಾಂತಿನಾಯೆ ಒರಿ ಬತ್ತ್ದ್ ದೀಚು (ದೀಕ್ಷಿತ್) ಇಲ್ಲದ ಕರೆಂಟ್ ವಯರ್ ಬೊಕ್ಕ ಲೈಟ್ ರಿಪೇರಿ ಮಲ್ಪೆರೆ ಪನ್ತೆರ್ ಪನ್ದ್ ಪನ್ತೆ. ಸತ್ಯ ಪನ್ದ್ ನಂಬಿನ ಸರೋಜಿನಿ ಆಯನ್ ಉಲಯಿ ಬರ್ಯೆರ ಬುಡ್ತೆರ್.
ಆಯೆ ರಿಪೇರಿದ ನಾಟಕ ಮಲ್ತ್ದ್ ಅದೆತ ಮಂಚೊದ ತಿರ್ತ್ ಇತ್ತಿನ ಬ್ಯಾಗ್ಡಿತ್ತಿನ ಕಾಸ್ ಬೊಕ್ಕ ಬಂಗಾರ್ ಲಕ್ಕಾದೆ. ಬಂಟ್ವಾಳ ಗ್ರಾಮಾಂತರ ಸ್ಟೇಷನ್ಡ್ ಪ್ರಕರಣ ದಾಕಲಾತ್ಂಡ್.