Last updated on December 10th, 2025 at 11:53 am
ಒಡಿಪು, ಡಿ. 10: ಅಕ್ರಮವಾದ್ ದೇಶೊಗು ಪೊಗ್ಗುದು ಒಡಿಪುಗು ಬತ್ತಿನ ಪೊರ್ತುಡು ಮಲ್ಪೆ ಸ್ಟೇಷನ್ ಪೋಲಿಸೆರೆ ಕೈಟ್ ಅರೆಸ್ಟ್ ಆದಿತ್ತಿನ 10 ಜನ ಬಾಂಗ್ಲಾದೇಶೊದ ಪ್ರಜೆಕುಲೆಗ್ ಒಡಿಪು ನ್ಯಾಯಂತಡೆ ರಡ್ಡ್ ವರ್ಸ ಕರ್ಪಿಲ್ಲ್ ಶಿಕ್ಷೆ ಬೊಕ್ಕ ತರೆಕ್ ₹ 10 ಸಾರ ದಂಡ ಪಾಡ್ದ್ಂಡ್.
ಬಾಂಗ್ಲಾ ದೇಶೊದ ಪ್ರಜೆಕುಲಾಯಿನ ಹಕೀಮ್ ಅಲಿ, ಸುಜೋನ್ ಎಸ್.ಕೆ., ಇಸ್ಮಾಯಿಲ್ ಎಸ್.ಕೆ, ಕರೀಮ್ ಎಸ್.ಕೆ. , ಸಲಾಂ ಎಸ್.ಕೆ., ರಾಜಿಕುಲ್ ಎಸ್.ಕೆ., ಮೊಹಮ್ಮದ್ ಸೋಜಿಬ್, ರಿಮೂಲ್, ಮೊಹಮ್ಮದ್ ಇಮಾಮ್ ಶೇಖ್, ಮೊಹಮ್ಮದ್ ಜಹಾಂಗಿರ ಆಲಂ ಶಿಕ್ಷೆ ಆತಿನಕುಲು. 2024 ಅಕ್ಟೋಬರ್ 11ತಾನಿ ಬಯ್ಯಡ್ ಮಲ್ಪೆದ ವಡಭಾಂಡೇಶ್ವರ ಬಸ್ ಉಂತಡೆದ ಕೈತಲ್ರ್ದ್ 7 ಜನನ್ ಅಂಚೆನೇ ಬೊಕ್ಕ ಈ ಪ್ರಕರಣೊದ ಜಡ್ತೆ ಮಲ್ತಿನ ಮಲ್ಪೆ ಸರ್ಕಲ್ ಇನ್ಸ್ಪೆಕ್ಟರ್ ಒರಿನ ಮೂವೆರೆನ್ ಕೈದ್ ಮಲ್ತ್ದೆರ್.
ಮೊಕುಲು ಭಾರತ ದೇಶೊದ ಒವ್ವೇ ಅನು ಗೆತೊನಂದೆ, ದಾಕಲೆಲೆನ್ ಗೆತೊನಂದೆ ಅಕ್ರಮವಾದ್ ನಕಲಿ ಆಧಾರ್ ಕಾರ್ಡ್ಲೆನ್ ಉಂಡು ಮಲ್ತೊಂದು ಬಾಂಗ್ಲಾ ದೇಶೊರ್ದು ಒಡಿಪು ತಾಲೂಕ್ದ ಪಡುತೋನ್ಸೆ ಗ್ರಾಮೊದ ಹೂಡೆಗ್ ಬತ್ತ್ದೆರ್ ಪನ್ದ್ ನ್ಯಾಯಂತಡೆಗ್ ದೋಷಾರೋಪ ಪಟ್ಟಿ ಸಂದಾದಿತ್ತೆರ್.
ಒಡಿಪುದ ಪ್ರಧಾನ ಪೆರಿಯ ಸಿವಿಲ್ ಬೊಕ್ಕ ಸಿಜೆಎಂ ನ್ಯಾಯಂತಡೆ ಶಿಕ್ಷೆ ಕೊರ್ತುಂಡು.