Last updated on December 14th, 2025 at 09:15 am
ಮಂಡ್ಯ, ಡಿ. 13: ತೋಟಬೆನ್ನಿದ ಜವನೆರೆನ್ ಮದಿಮೆ ಆಪುನ ಪೊಣ್ಣುಲೆಗ್ ಪ್ರೋತ್ಸಾಹದ ಲೆಕ 5 ಲಕ್ಷ ರೂ. ಕೊರೊಡು ಪನ್ದ್ ರೈತೆರೆ ಜೋಕುಲು, ಬಿಜೆಪಿ ಕಾರ್ಯಕರ್ತೆರ್ ಸರ್ಕಾರೊಗು ಬಿನ್ನಪು ಸಂದಾದೆರ್.
ಮಂಡ್ಯ ಜಿಲ್ಲಾಧಿಕಾರಿ ಕಚೇರಿದ ಎದುರು ಸೇರಿನ ತೋಟ/ಬೆನ್ನಿದ ಜವನೆರ್ ಬೊಕ್ಕ ಬಿಜೆಪಿ ಕಾರ್ಯಕರ್ತೆರ್, ಮದಿಮಯ ಲೆಕ ತರೆಕ್ ಬಾಸಿಂಗ, ಮೈಸೂರ್ ಪೇಟ ದೀವೊಂದು, ಎಚ್ಚಿಗೆದ ಜಿಲ್ಲಾಧಿಕಾರಿ ಬಿ. ಸಿ. ಶಿವಾನಂದಮೂರ್ತಿ ಮೆರೆಗ್ ಬಿನ್ನಪು ಸಂದಾದೆರ್.
ಬೆನ್ನಿನ್ ನಂಬೊಂದು ಬದ್ಕ್ ಕಟ್ಟೊನೊಡು ಪನ್ದ್ ಎನ್ನೊಂದಿನ ಜವನೆರೆಗ್ ಪೊಣ್ಣು ತಿಕ್ಕೊಂದಿಜ್ಜಿ. ಉಂದೆರ್ದಾವರ ಬೆನ್ನಿದ ಜವನೆರೆಗ್ ಬದ್ಕ್ದ ಗ್ಯಾರಂಟಿ ಇಜ್ಜಂದಿ ಲೆಕ ಆತ್ಂಡ್. ಅಂಚಾದ್ ಸರ್ಕಾರ ಶಾದಿ ಭಾಗ್ಯೊದ ಲೆಕ ಬೆನ್ನಿದ ಜವನೆರೆನ್ ಮದಿಮೆ ಆಪುನ ಪೊಣ್ಣುಲೆಗ್ 5 ಲಕ್ಷ ರೂ. ಪ್ರೋತ್ಸಾಹ ಧನ ಕೊರೊಡು ಪನ್ದ್ ಆಗ್ರಹ ಮಲ್ತ್ದೆರ್.
ಕಲ್ಯಾಣ ಕರ್ನಾಟಕ, ಮುಂಬೈ ಕರ್ನಾಟಕ, ಉತ್ತರ ಕರ್ನಾಟಕ, ಪರ ಮೈಸೂರ್ ಭಾಗ ಪನ್ಪಿ ತಾರತಮ್ಯದಾಂತೆ ಕರ್ನಾಟಕಡೊರ್ಮೆ ಈ ಯೋಜನೆ ಮಲ್ಪೊಡು ಪನ್ದ್ ಒತ್ತಾಯ ಮಲ್ತ್ದೆರ್.