Last updated on December 5th, 2025 at 11:57 am
ಕಾರ್ಲ, ಡಿ. 05 : ಕ್ರೈಸ್ಟ್ಕಿಂಗ್ ಇಂಗ್ಲಿಷ್ ಮೀಡಿಯಂ ಹೈ ಸ್ಕೂಲ್ಡ್ 9ನೇ ಕ್ಲಾಸ್ ಕಲ್ತೊಂದಿಪ್ಪುನ ಪೊಣ್ಣು ಶಗುನ್ ಎಸ್. ವರ್ಮಾ ಹೆಗ್ಡೆ ಮೇರ್ ಶಾಲಾ ಕ್ರೀಡಾ ಒಕ್ಕೂಟೊರ್ದು ಅಟ್ಟನೆ ಆತಿನ 15 ವರ್ಸೊದುಲಯಿದ ಪೊಣ್ಣುಲೆನ ವಾಲಿಬಾಲ್ ಚಾಂಪಿಯನ್ಶಿಪ್ಗ್ ಭಾರತೀಯ ರಾಷ್ಟ್ರೀಯ ಕೂಟೊದ ಕ್ಯಾಪ್ಟನ್ ಆದ್ ಅಜತ್ ಬೈದೆರ್.
ಭಾರತೀಯ 15 ವರ್ಸೊದುಲಯಿದ ವಾಲಿಬಾಲ್ ಕೂಟೊಗು ಅಜತ್ ಬೈದಿನ ಕರ್ನಾಟಕೊದ ಒರ್ತಿಯೇ ಗೊಬ್ಬುಗಾರ್ತಿ ಶಗುನ್ ಎಸ್ ವರ್ಮಾ ಹೆಗ್ಡೆ ಆದುಲ್ಲೆರ್. ಡಿಸೆಂಬರ್ 3 ರ್ದ್ 13 ಮುಟ್ಪ ಚೀನಾದ ಶಾಂಗ್ಲುವೊಡ್ ನಡಪುನ ಈ ಅಂತರರಾಷ್ಟ್ರೀಯ ಪಂದ್ಯಾವಳಿಡ್ ಶಗುನ್ ಭಾರತೀಯ ಕೂಟೊನು ದುಂಬು ಕೊನೊವೊಂದುಲ್ಲೆರ್.
ಶಗುನ್ ಎಸ್ ವರ್ಮಾ ಹೆಗ್ಡೆ ಮೇರ್ ಕಾರ್ಲದ ಕಲ್ಲೊಟ್ಟೆ ನಿವಾಸಿ ಸಂದೇಶ್ ವರ್ಮಾ ಬೊಕ್ಕ ಶ್ರುತಿರಾಜ್ ಮೊಕ್ಲೆನ ಮಗಲ್. ಶಗುನ್ ಮೇರ್ ಭಾರತೀಯ ರಾಷ್ಟ್ರೀಯ ಕೂಟೊದ ಕ್ಯಾಪ್ಟನ್ ಆತಿನ ಆರೆನ ಶಾಲೆ, ಜಿಲ್ಲೆ ಬೊಕ್ಕ ಇಡೀ ತುಳುನಾಡ್ಗ್ ಪೆರ್ಮೆ ಕನತ್ದ್ಂಡ್.