Last updated on December 7th, 2025 at 02:16 pm
ಒಡಿಪು, ಡಿ. 07: ಕುತ್ಯಾರ್ ಗ್ರಾಮೊದಾರೆಗ್ ಒರಿಯಗ್ ಸೇರ್ದಿನ ತೋಟೊಡು ಕರಿನ 6 ವರ್ಸೊರ್ದಿಂಚಿ ತೋಟ ತೂವೊನುನ ಬೇಲೆ ಮಲ್ತೊಂದಿತ್ತಿನ ಆಂಜೊವು ಒರಿಯಗ್ ಎಡ್ಡೆಂತಿನವು ತುಚ್ಚಿದ್ ತೀರ್ದಿನ ನಡಕೆ ನಡತ್ದ್ಂಡ್.
ತೀರ್ದಿನಾರೆನ್ ಸುರೇಂದ್ರ ಕಿಟ್ಟು ಪೂಜಾರಿ(54) ಪನ್ದ್ ಗುರ್ತ ಪತ್ತ್ದೆರ್.
ಸುರೇಂದ್ರ ಪೂಜಾರಿ ಮೇರ್ ಡಿ. 5 ತಾನಿ ಕಾಂಡೆ 10 ಗಂಟೆದ ಅಂದಾಜಿಗ್ ಕಂಗ್ಗ್ ಮರ್ದ್ ಬುಡ್ರೆ ತೋಟೊಗು ಪೋದುಪ್ಪುನಗ ಮರಿ ತುಚ್ಚಿದಾಂಡ್. ಅಪಗನೇ ಆರೆನ್ ಆಸ್ಪತ್ರೆಗ್ ಲೆತೊಂದು ಪೋಂಡಲಾ, ಆಸ್ಪತ್ರೆಗ್ ಪೋಪುನ ಸಾದಿ ನಡುಟೇ ಸುರೇಂದ್ರ ಪೂಜಾರಿ ತೀರ್ದೆರ್ ಪನ್ದ್ ಡಾಕ್ಟರ್ ದೃಢ ಮಲ್ದೆರ್.
ತೀರ್ದಿನಾರೆನ ಮಗೆ ಕಿರಣ್ ಎಸ್ ಮೇರ್ ಬರೆಪಾದಿನ ಒಯಿಲ್ದ ಆಧಾರೊಡು ಶಿರ್ವ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.