Last updated on December 31st, 2025 at 01:53 pm
ತೆನ್ಕಾಯಿ ಭಾರತೊನು ಮುಂಬೈಗ್ ಸಂಪರ್ಕಿಪುನ ರಡ್ಡ್ ಪ್ರಮುಖ ರೈಲ್ಲಾಯಿನ ಮತ್ಸ್ಯಗಂಧ ಎಕ್ಸ್ಪ್ರೆಸ್ ಬೊಕ್ಕ ನೇತ್ರಾವತಿ ಎಕ್ಸ್ಪ್ರೆಸ್, ಡಿಸೆಂಬರ್ 31 ತ ಬುಧವಾರರ್ದ್ ಸುಮಾರ್ ಒಂಜಿ ತಿಂಗೊಲು ಮುಟ್ಪ ಲೋಕಮಾನ್ಯ ತಿಲಕ್ ಟರ್ಮಿನಸ್ (ಎಲ್ಟಿಟಿ) ದ ಪೋವಂದೆ ಪನ್ವೇಲ್ ಮುಟ್ಟ ಮಾತ್ರ ಪೋಯೆರ ಉಲ್ಲ.
ಕೊಂಕಣ ರೈಲ್ವೆ ಬೊಕ್ಕ ತೆನ್ಕಾಯಿ ರೈಲ್ವೆದ ಅಧಿಕೃತ ಪ್ರಕಟಣೆಲೆನ ಪ್ರಕಾರ, ಎಲ್ಟಿಟಿ ಯಾರ್ಡ್ಡ್ ಪಿಟ್ ಲೈನ್ ನಂಬ್ರ 3 ತ ರಿಪೇರಿದ ಬೇಲೆ ಇಪ್ಪುನೆರ್ದಾವರ ಜನವರಿ 1 ರ್ದ್ ಜನವರಿ 30 ಮುಟ್ಟ 30 ದಿನ ಸಂಚಾರ ನಿರ್ಬಂಧ ಪಾಡ್ದಿತ್ತ್ದ್, ಪನ್ವೇಲ್ರ್ದ್ ಎದುರು ರೈಲ್ಲ್ ಪೋಪುಜ.
ಆ ಪ್ರಕಾರ, ಡಿಸೆಂಬರ್ 31 ರ್ದ್ ಜನವರಿ 29 ದ ನಡುಟು ಪಿದಡುನ ರೈಲ್ ಸಂಖ್ಯೆ 12620 ಮಂಗಳೂರು ಸೆಂಟ್ರಲ್ – ಮುಂಬೈ ಎಲ್ಟಿಟಿ ಮತ್ಸ್ಯಗಂಧ ಡೈಲಿ ಎಕ್ಸ್ಪ್ರೆಸ್ ಬೊಕ್ಕ ರೈಲ್ ಸಂಖ್ಯೆ 16346 ತಿರುವನಂತಪುರಂ ಸೆಂಟ್ರಲ್ – ಮುಂಬೈ ಎಲ್ಟಿಟಿ ನೇತ್ರಾವತಿ ಡೈಲಿ ಎಕ್ಸ್ಪ್ರೆಸ್ ನ್ ಪನ್ವೇಲ್ ಉಂತಡೆಡೇ ಉಂತಾವೆರ್ ಅಂಚೆನೇ ಪನ್ವೇಲ್ ಬೊಕ್ಕ ಎಲ್ಟಿಟಿ ನಡುಟು ಭಾಗಶಃ ರದ್ದ್ ಮಲ್ಪೆರ್.
ಅಂಚೆನೇ, ಜನವರಿ 1 ರ್ದೊ ಜನವರಿ 31 ತ ನಡುಟು ಪಿದಡುನರೈಲ್ ಸಂಖ್ಯೆ 12619 ಮುಂಬೈ ಎಲ್ಟಿಟಿ – ಮಂಗಳೂರು ಸೆಂಟ್ರಲ್ ಮತ್ಸ್ಯಗಂಧ ಡೈಲಿ ಎಕ್ಸ್ಪ್ರೆಸ್ ಬೊಕ್ಕ ರೈಲ್ ಸಂಖ್ಯೆ 16345 ಮುಂಬೈ ಎಲ್ಟಿಟಿ – ತಿರುವನಂತಪುರಂ ಸೆಂಟ್ರಲ್ ನೇತ್ರಾವತಿ ಡೈಲಿ ಎಕ್ಸ್ಪ್ರೆಸ್, ಪನ್ವೇಲ್ರ್ದ್ ಪಿದಡುಂಡು. ಎಲ್ಟಿಟಿ ಬೊಕ್ಕ ಪನ್ವೇಲ್ ನಡುತ ಸೇವೆಲೆನ್ ಭಾಗಶಃ ರದ್ದ್ ಮಲ್ದ್ಂಡ್ ಪನ್ದ್ ಪ್ರಕಟಣೆ ತೆರಿಪಾದ್ಂಡ್.