Last updated on December 20th, 2025 at 10:24 am
ಬೆರ್ಮಾರ, ಡಿ. 20 : ಪ್ರೈವೇಟ್ ಬಸ್ ಒಂಜಿ ಬೈಕ್ಗ್ ಎಡ್ತಿನೆರ್ದಾವರ ಬೈಕ್ಡಿತ್ತಿನಾರ್ ತೀರ್ದಿನ ನಡಕೆ ಬೆರ್ಮಾವರ ಹಂದಾಡಿ ಗ್ರಾಮೊದ ಅಂಬಿಕಾ ಫಾರಂದ ಕೈತಲ್ ಡಿ.19ದಾನಿ ನಡತ್ದ್ಂಡ್. ತೀರ್ದಿನಾರೆನ್ ಪವನ್ ಪನ್ದ್ ಗುರ್ತ ಪತ್ತ್ದೆರ್.
ಪವನ್ ತನ್ನ ಬೈಕ್ಡ್ ಬಾರ್ಕೂರು ದಂಚಿರ್ದ್ ಬೆರ್ಮಾವರದಂಚಿ ಬತ್ತ್ದ್, ಬಲತ್ ಇಂಡಿಕೇಟರ್ ಪಾಡ್ದ್ ಅಂಬಿಕಾ ಫಾರಂ ಕೈತಲ್ ಅಮ್ಮ ಶಾಮಿಯಾನ ಅಂಗಡಿ ದಂಚಿ ತಿರ್ಗಾನಗ ಅವ್ವೇ ಸಾದಿಯೆ ಬರೊಂದಿತ್ತಿನ ಬಸ್, ಬೈಕ್ಗ್ ಪಿರವುರ್ದ್ ಎಡ್ತ್ದ್ಂಡ್ಗೆ.
ಅಂಚಾದ್ ಬೈಕ್ ಬುಡೊಂದಿತ್ತಿನ ಪವನ್, ಬಸ್ಸ್ ಎಡ್ತ್ದ್ ಸಾದಿಗ್ ಬೂರ್ದ್ ಪುರೆಲೊಂದು ಸಾದಿ ಬರಿತ ಕಣಿಕ್ ಬೂರ್ದೆರ್ಗೆ. ಬಸ್, ಬೈಕ್ನ್ ಸುಮಾರ್ 50 ಫೀಟ್ ದೂರ ಸಾದಿಯೆ ಒಯ್ತೊಂದು ಪೋದು ಉಂತುದುಂಡು. ಎಡ್ತೆರ್ದಾವರ ಗಾತಿದ ಗಡಿಕುಲಾದಿತ್ತಿನ ಪವನ್, ಬೆರ್ಮಾವರ ಪ್ರೈವೇಟ್ ಆಸ್ಪತ್ರೆಡ್ ಮರ್ದ್ ಪಲಿಪಂದೆ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್. ಈ ಬಗೆಟ್ ಬೆರ್ಮಾವರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.