Last updated on December 20th, 2025 at 09:05 am
ಕುಡ್ಲ, ಡಿ. 20: ಪಾಲಕ್ಕಾಡ್ ವಿಭಾಗೊಡು ಬಲ್ತೊಂದಿತ್ತಿನ ರೈಲ್ಲೆನ ಮಿತ್ತ್ ಇಂಚಿಪ ಕಲ್ಲ್ ದಕ್ಕಿನ ರಡ್ಡ್ ಪ್ರಕರಣೊಲೆಡ್ ಆರೋಪಿಲೆಗ್ ನ್ಯಾಯಾಂಗ ಕೈದ್ ಕೊರ್ತೆರ್.
ಡಿ.12ತಾನಿ ಕುಡ್ಲ ಜಂಕ್ಷನ್ದ ಕೈತಲ್ ವಂದೇ ಭಾರತ್ ಎಕ್ಸ್ಪ್ರೆಸ್ ಗ್ ಅಮಲ್ ಏರ್ದಿನ ಸ್ಥಿತಿಟ್ ಇತ್ತಿನ ಸುಬ್ಬಿತ್ ಮುಲ್ಲಿಕ್ (23) ಕಲ್ಲ್ ದಕ್ಕ್ದ್ ರೈಲ್ದ ಕಂಡಿದ ಗ್ಲಾಸ್ಲೆಗ್ ಹಾನಿ ಮಲ್ತಿತ್ತೆ. ರೈಲ್ವೆ ರಕ್ಷಣಾ ದಳ (ಆರ್ ಪಿ ಎಫ್) ಆಯನ್ ಕೈದ್ ಮಲ್ತಿತ್ತ್ಂಡ್. ಆಯಗ್ 14 ದಿನೊತ ನ್ಯಾಯಾಂಗ ಕೈದ್ ಕೊರ್ತೆರ್.
ಕುಡೊಂಜಿ ನಡಕೆಡ್ ಡಿ.15ತಾನಿ ತಿರುನಲ್ವೇಲಿ-ಜಾಮ್ನಗರ ಎಕ್ಸ್ಪ್ರೆಸ್ದ ಮಿತ್ತ್ ಕ್ವಿಲಾಂಡಿ ಬೊಕ್ಕ ವೆಲ್ಲರಕ್ಕಾಡ್ ಉಂತಡೆಲೆನ ನಡುಟು ಕಲ್ಲ್ ದಕ್ಕ್ದಿತ್ತೆರ್. ಈ ನಡಕೆಡ್ ಒರಿ ಪ್ರಯಾಣಿಕಗ್ ಕಿಞ್ಞ ಕಿಞ್ಞ ಗಡಿಕುಲಾತ. ಆರ್ಪಿಎಫ್ ಕೋಳಿಕ್ಕೋಡ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ದ್, ಆರೋಪಿ ಶಿಬು ಪನ್ಪಿನಾಯನ್ ಪತ್ತ್ದಿತ್ತೆರ್. ಆಯಗ್ಲಾ 14 ದಿನೊತ ಕಾಲ ನ್ಯಾಯಾಂಗ ಕೈದ್ ಪಾಡ್ದೆರ್.
ರೈಲ್ಲೆಗ್ ಕಲ್ಲ್ ದಕ್ಕುವನು ಗಾತಿದ ಅಪರಾಧ ಆದಿತ್ತ್ದ್, ಏರಾಂಡಲಾ ಕಲ್ಲ್ ದಕ್ಕಿಯೆರ್ನ್ಡ ಅಕ್ಲೆನ್ ಕೈದ್ ಮಲ್ತ್ದ್ ಅಕ್ಲೆಗ್ ಜೈಲ್ ಶಿಕ್ಷೆ ಕೊರ್ಪ ಪನ್ದ್ ರೈಲ್ವೆ ಇಲಾಖೆ ಎಚ್ಚರ್ಗೆ ಕೊರ್ತುಂಡು.