Last updated on December 4th, 2025 at 10:45 am
ಕಾರ್ಲ, ಡಿ. 04: ಬುಧವಾರ ಬಯ್ಯಡ್ ದೊರಿನ ಬರ್ಸಗ್ ಕರ್ಮರ್ ಮರ ಒಂಜಿ ಪೊಲಿದ್ ರಿಕ್ಷಾದ ಮಿತ್ತ್ ಬೂರ್ದಿನೆರ್ದಾವರ ರಿಕ್ಷಾ ಡ್ರೈವರ್ ಸೇರ್ದ್ ನಾಲ್ವೆರೆಗ್ ಗಡಿಕುಲಾತಿನ ನಡಕೆ ನಡತ್ದ್ಂಡ್.
ತೆಳ್ಳಾರ್ದ ಉದಯ ಪೂಜಾರಿ ಪನ್ಪಿನಾರ್ ತನ್ನ ರಿಕ್ಷಾಡ್ ಇಲ್ಲದಕ್ಲೆ ಒಟ್ಟುಗು ತೆಳ್ಳಾರ್ಗ್ ಪೋವೊಂದುಪ್ಪುನಗ ರಾಘವೇಂದ್ರ ಮಠೊಕು ಸೇರ್ದಿನ ಕರ್ಮರ್ ಮರ ಪೊಲಿದ್ ಕರೆಂಟ್ ವಯರ್ದ ಮಿತ್ತ್ ಬೂರ್ದ್ಂಡ್. ಆ ಪೊರ್ತುಡು ಕರೆಂಟ್ ಕುಂದೊದ ಒಟ್ಟುಗು ಮರಲಾ ಸಾದಿಗ್ ಬೂರ್ದಿತ್ತ್ದ್, ಅವ್ವೇ ಸಾದಿಯೆ ಪೋವೊಂದಿತ್ತಿನ ರಿಕ್ಷಾದ ಮಿತ್ತ್ ಬೂರ್ದ್ ರಿಕ್ಷಾ ಞಕ್ಕೆ ಆತ್ಂಡ್.
ಈ ನಡಕೆರ್ದಾವರ ಒಂತೆ ಪೊರ್ತು ರೋಡ್ ಬ್ಲಾಕ್ ಆದಿತ್ತ್ಂಡ್ ಅಂಚೆನೇ ಕರೆಂಟ್ಲಾ ಪೋದಿತ್ತ್ಂಡ್. ಗಡಿಕುಲಾತಿನಕ್ಲೆನ್ ಕಾರ್ಲದ ಪ್ರೈವೇಟ್ ಬೊಕ್ಕ ಸರಕಾರಿ ಆಸ್ಪತ್ರೆಲೆಗ್ ದಾಕಲ್ತ್ದೆರ್.