Last updated on December 17th, 2025 at 10:51 am
ಶೃಂಗೇರಿ, ಡಿ. 17: ಹಾರ್ಟ್ ಅಟ್ಯಾಕ್ ಆದ್ 22 ವರ್ಸ ಪ್ರಾಯೊದ ಪೊಣ್ಣು ತೀರ್ದಿನ ನಡಕೆ ಎಲ್ಯಮಗಲ್ನೂರು ಜಿಲ್ಲೆದ ಶೃಂಗೇರಿ ತಾಲೂಕ್ಡ್ ನಡತ್ದ್ಂಡ್.
ತೀರ್ದಿನ ಪೊಣ್ಣನ್ ದಿಶಾ (22) ಪನ್ದ್ ಗುರ್ತ ಪತ್ತ್ದೆರ್. ಶಿವಮೊಗ್ಗ ಜಿಲ್ಲೆದ ತೀರ್ಥಹಳ್ಳಿ ಮೂಲೊದ ದಿಶಾ, ಶೃಂಗೇರಿಡ್ ಜೆಸಿಬಿಎಂ ಕಾಲೇಜಿಡ್ ಬಿಕಾಂ ಕಲ್ತೊಂದಿತ್ತಲ್. ಇನಿ ಕಾಂಡೆ ಶೃಂಗೇರಿ ಪೇಂಟೆದ ಬಿಸಿಎಂ ಹಾಸ್ಟೆಲ್ಡ್ ಇಪ್ಪುನಗ ಒರರ್ದ್ ಒರಾನೆ ತಿಗಲೆ ಬೇನೆ ಬತ್ತ್ದ್, ಕುಸ್ಕುದ್ ಬೂರ್ದ್, ತೀರ್ದಲ್. ತೀರ್ದಿನ ದಿಶಾ ಮೂಲತಃ ಶಿವಮೊಗ್ಗ ಜಿಲ್ಲೆದ ತೀರ್ಥಹಳ್ಳಿ ತಾಲೂಕ್ದಾಲ್. ಅತ್ತಂದಿ ಪ್ರಾಯೊಡು ತೀರ್ದಿನ ಸುದ್ದಿ ಕಾಲೇಜ್ದ ಜೋಕುಲು, ಶಿಕ್ಷಕೆರ್ ಬೊಕ್ಕ ಇಲ್ಲದಕ್ಲೆಗ್ ಬಾರೀ ಬೆಸರ್ ಬೊಕ್ಕ ಆಘಾತ ಉಂಡು ಮಲ್ದ್ಂಡ್.
ಈ ಬಗೆಟ್ ಶೃಂಗೇರಿ ಪೊಲೀಸ್ ಸ್ಟೇಶನ್ ಸೀಮೆಡ್ ಪ್ರಕರಣ ದಾಕಲಾದಿತ್ತ್ದ್, ನನದ ಜಡ್ತೆ ನಡತೊಂದುಂಡು.