Last updated on January 20th, 2026 at 01:16 pm
ಕಾಸ್ರೋಡ್, ಜ. 20: ಬಿಎಂಡಬ್ಲ್ಯೂ ಕಾರ್ ಬೊಕ್ಕ ಲಾರಿದ ನಡುಟು ನಡತಿನ ಭೀಕರ ಎಡ್ತೆಡ್ ಕಾರ್ಡ್ ಇತ್ತಿನ ಕುಡ್ಲ ಮೂಲೊದ ಇರ್ವೆರ್ ಜವನೆರ್ ತೀರ್ದಿನ ನಡಕೆ ಕೋಡೆ (ಜನವರಿ 19) ರಾತ್ರೆ ಪೊಯ್ನಾಚಿದ ರಾಷ್ಟ್ರೀಯ ಪೆರ್ಸಾದಿಡ್ ನಡತ್ದ್ಂಡ್.
ತೀರ್ದಿನಕುಲೆನ್ ಕುಡ್ಲ ಮೂಲೊದ ಆಸಿಫ್ ಬೊಕ್ಕ ಶೆಫೀಕ್ ಪನ್ದ್ ಗುರ್ತ ಪತ್ತ್ದೆರ್. ಮಂಜೇಶ್ವರ ಮೂಲೊದ ಇರ್ವೆರೆಗ್ ಗಡಿಕುಲಾತ. ವಯನಾಡ್ರ್ದ್ ಕುಡ್ಲಗ್ ಪಿರಬನ್ನಗ ಈ ಎಡ್ತೆ ನಡತ್ದ್ಂಡ್. ಅಕುಲು ಪೋವೊಂದಿತ್ತಿನ ಬಿಎಂಡಬ್ಲ್ಯೂ ಕಾರ್ ಲಾರಿಗ್ ಎಡ್ತ್ದ್ಂಡ್. ಎಡ್ತೆಡ್ ಕಾರ್ದ ಎದುರುಮೆಯಿ ಅಲಕ್ಕ ಞಕ್ಕೆ ಆತ್ಂಡ್.
ಇರ್ವೆರ್ಲಾ ಎಡ್ತೆದ ಜಾಗೆಡೇ ತೀರ್ದೆರ್ ಪನ್ದ್ ಪೊಲೀಸೆರ್ ತೆರಿಪಾದೆರ್. ಎಡ್ತೆದ ಬರಸ್ಗ್ ಕಾರ್ ಞಕ್ಕೆ ಆತಿನೆರ್ದಾವರ ಗಡಿಕುಲಾತಿನಕ್ಲೆನ್ ಪಿದಯಿ ದೆಪ್ಪೆರೆ ಬಾರೀ ಬಂಙ ಬರೊಡಾದ್ ಬತ್ತ್ಂಡ್.