Last updated on January 20th, 2026 at 02:56 pm
ದೆಲ್ಲಿ, ಜ. 20: ನಿತಿನ್ ನಬಿನ್ ಬಿಜೆಪಿದ ರಾಷ್ಟ್ರೀಯ ಅಧ್ಯಕ್ಷೆರಾದ್ ಇನಿ ಅಧಿಕಾರ ಗೆತೊಂದೆರ್. ಈ ಪೊರ್ತುಡು ಪ್ರಧಾನಿ ನರೇಂದ್ರ ಮೋದಿಯೆರ್ ಪಾತೆರ್ದ್, ನಿತಿನ್ ನಬಿನ್ ಎನ್ನ ಬಾಸ್, ಏನ್ ಕಾಲಿ ಪಕ್ಷೊದ ಕಾರ್ಯಕರ್ತೆ ಪನ್ದ್ ಪನ್ಡೆರ್. ಬಿಜೆಪಿ ಒಂಜಿ ಸಂಸ್ಕೃತಿ. ಬಿಜೆಪಿ ಒಂಜಿ ಕುಟುಮ. ಮುಲ್ಪ, ನಮ್ಮ ಸಂಬಂಧೊಲು ಸದಸ್ಯತ್ವೊನ್ ಮೀರ್ದ್ ಉಂಡು. ನಮ್ಮ ಅಧ್ಯಕ್ಷೆರ್ ಪಗಪೆರ್, ಆಂಡ ನಮ್ಮ ಆದರ್ಶೊಲು ಪಗಪುಜ ಪನ್ದ್ ಪನ್ಡೆರ್.
ನಾಯಕತ್ವ ಪಗಪುಂಡು, ಆಂಡ ನಿರ್ದೇಶನ ಒಂಜೇ ಆದುಪ್ಪುಂಡು. ಇನಿ ದೇಶೊದ ಪ್ರತಿಯೊಂಜಿ ಮೂಡ್ಯೆದ ಜನೊಕುಲು ಬಿಜೆಪಿದ ಒಟ್ಟುಗು ಉಲ್ಲೆರ್, ಬಿಜೆಪಿಗ್ ಗೋಡ್ಯೊಂದುಲ್ಲೆರ್. ನಿತಿನ್ ನಬಿನ್ ಮೆರೆಗ್ ಯುವ ಶಕ್ತಿ ಬೊಕ್ಕ ಸಂಘಟನೆಡ್ ಬೆನ್ತಿನ ದೀರ್ಘ ಅನುಭವ ಉಂಡು, ಉಂದು ಪ್ರತಿಯೊರಿ ಪಕ್ಷೊದ ಕಾರ್ಯಕರ್ತಗ್ಲಾ ಸಕಾಯ ಆವರೆ ಉಂಡು. ನನದ 25 ವರ್ಸ ಬಾರೀ ಮುಖ್ಯ. ಅಭಿವೃದ್ಧಿ ಆತಿನ ಭಾರತೊನು ಕಟ್ಟೊಡಾಯಿನ ಪೊರ್ತು ಉಂದು ಪನ್ದ್ ಪನ್ಡೆರ್.