Last updated on January 21st, 2026 at 02:02 pm
ಸುಳ್ಯ, ಜ. 21: ಗಟ್ಟಿ ಇಜ್ಜಂದಿನ ಕಿಞ್ಞ ಸಂಕೊದ ಮಿತ್ತ ಜಲ್ಲಿ ದಿಂಜಿನ ಲಾರಿ ಪೋದು ಸಂಕ ಪೊಲಿದ್ ಲಾರಿ ತೋಡುಗ್ ಬೂರ್ದಿನ ನಡಕೆ ಮಂಡೆಕೋಲು ಗ್ರಾಮೊದ ಉದ್ದಂತಡ್ಕ ಪನ್ಪಿನಲ್ಪ ಸೋಮಾರ ನಡತ್ದ್ಂಡ್. ಈ ನಡಕೆಡ್ ಲಾರಿ ಡ್ರೈವರ್ಗ್ ಗಡಿಕುಲಾತ.
ಸುಳ್ಯ ಮಂಡೆಕೋಲು ಗ್ರಾಮೊದ ಪೇರಾಲ್ – ಉದ್ದಂತಡ್ಕ – ಮೇನಾಲ ಸಾದಿಡ್ ಉದ್ದಂತಡ್ಕ ಪನ್ಪಿನಲ್ಪ ಕಿಞ್ನ ಸಂಕ ಕರಿನ ಮರಿಯಾಲೊಡು ಮಣ್ಣ್ ಜರಿದ್ ಶಿಥಿಲ ಆದಿತ್ತ್ಂಡ್. ಅಂಚಾದ್ ಸಂಚಾರೊಗು ಆವಂದ್ ಪನ್ಪಿಲೆಕ ಆದಿತ್ತ್ಂಡ್. ಮಂಡೆಕೋಲು ಗ್ರಾ.ಪಂ. ಲಾ ಸಂಕೊಡೆ ಗಾಡಿಲು ಪೋಪುನೆನ್ ನಿಷೇಧ ಮಲ್ತ್ದ್ ಪಲವೆ ಪಾಡ್ದಿತ್ತ್ಂಡ್.
ಸೋಮಾರ ಬಯ್ಯ ಸಂಕೊದ ಮಿತ್ತ್ ಜಲ್ಲಿದಿಂಜಿನ ಲಾರಿ ಪೋತಿನೆರ್ದಾವರ ಸಂಕ ಪೊಲಿದಿತ್ತ್ದ್, ಸಂಕೊಡು ಇತ್ತಿನ ಟಿಪ್ಪರ್ ತೋಡುಗು ಬೂರ್ದ್, ಡ್ರೈವರ್ಗ್ ಗಡಿಕುಲಾತ.