Last updated on January 31st, 2026 at 06:49 am
ಉಬಾರ್, ಜ, 31: ಸಾದಿ ಬರಿತ ಮೋರಿಗ್ ಎಡ್ತಿನ ಒಂಜಿ ಕಾರ್ ಸೂ ಪತೊಂದು ಪೊತ್ತುದ್ ಪೋತಿನ ನಡಕೆ ರಾಷ್ಟ್ರೀಯ ಪೆರ್ಸಾದಿ 75ತ ನೀರಕಟ್ಟೆ ಕೈತಲ್ ಕಾಂಚನ ಕ್ರಾಸ್ದಲ್ಪ ಕೋಡೆ ಜ. 30ದಾನಿ ನಡತಿತ್ತ್ದ್, ಕಾರ್ಡ್ ಇತ್ತಿನಕುಲು ಪಡಾಯಿರ್ದ್ ಬಚಾವಾತೆರ್ ಪನ್ದ್ ವರದಿ ಆತ್ಂಡ್.
ಮುಲ್ಪ ರಾಷ್ಟ್ರೀಯ ಪೆರ್ಸಾದಿ ಚತುಷ್ಪಥ ದ ಬೇಲೆ ನಡತೊಂದಿತ್ತ್ದ್, ಪರ ಪೆರ್ಸಾದಿದ್ ಮಾತ್ರ ಸಂಚಾರೊಗು ಅವಕಾಶ ಕೊರ್ತೆರ್. ಅವೆತ ಬರಿಟ್ ಪೊಸ ಪೆರ್ಸಾದಿದ ಬೇಲೆ ಆವೊಂದುಂಡು. ಹಾಸನರ್ದ್ ಉಬಾರ್ದಂಚಿ ಬರೊಂದಿತ್ತಿನ ಕಾರ್, ಡ್ರೈವರ್ನ ಅಂಕೆ ತತ್ತ್ದ್ ಸಾದಿದ ಕೂಡೊಂಜಿ ಮೆಯಿಟೆ ಪೋದು ಪೊಸ ಪೆರ್ಸಾದಿದ ಬೇಲೆದಪಗ ಪಾಡ್ದಿತ್ತಿನ ಮೋರಿಗ್ ಎಡ್ತ್ದ್ಂಡ್. ಈ ಪೊರ್ತುಡು ಕಾರ್ದ ಎಂಜಿನ್ದಲ್ಪ ಸೂ ಪತೊಂದಿತ್ತ್ದ್, ಕಾರ್ ಪೊತ್ತೆರ ಪತ್ತ್ದ್ಂಡ್. ಕಾರ್ಡ್ ಇತ್ತಿನ ಜವನೆ ಬೊಕ್ಕ ಜವನ್ದಿ ಕಿಞ್ಞ ಕಿಞ್ಞ ಗಡಿಕುಲಾದ್ ಬಚಾವಾತೆರ್.
ಪುತ್ತೂರ್ರ್ದ್ ಅಗ್ನಿಶಾಮಕ ಗಾಡಿ ಬತ್ತ್ದ್ ಸೂ ತೆಕ್ಕಾಂಡಲಾ, ಆತಾನಗ ಕಾರ್ದ ಎದುರು ಮೆಯಿ ಪೊತ್ತುದ್ ಪೋತುಂಡು. ಕಾರ್ಡ್ ಇತ್ತಿನಕುಲೆನ ಒಲವು ತೆರಿದ್ ಬರೊಡಾತೆ.