Last updated on January 31st, 2026 at 03:50 pm
ತುಮಕೂರು, ಜ. 31: ಪ್ರಕರಣ ಒಂಜೆಟ್ ವಶೊಕು ಗೆತೊಂದಿನ ಗಾಡಿನ್ ಬುಡ್ಯೆರ ಲಂಚ ಗೆತೊನುನ ಪೊರ್ತುಡು ತುಮಕೂರು ಗ್ರಾಮಾಂತರ ಪಿಎಸ್ಐ ಚೇತನ್ ಕುಮಾರ್ ಲೋಕಾಯುಕ್ತ ಬೇಪುಗು ಬೂರ್ದೆರ್.
ಬೆಂಗಳೂರು ಮೂಲೊದ ವಕೀಲೆರೆ ಗಾಡಿ ಉಂದಾದಿತ್ತ್ದ್, ಗಾಡಿನ ಬುಡ್ಯೆರ 1 ಲಕ್ಷ ರೂ. ಲಂಚ ಕೇನ್ದೆರ್. ಕೋಡೆ ರಾತ್ರೆ 11:30 ತ ಅಂದಾಜಿಗ್ ಕ್ಯಾತಸಂದ್ರ ಕೈತಲ್ದ ನಮಸ್ತೆ ತುಮಕೂರು ಹೋಟೆಲ್ಡ್ 40 ಸಾರ ರೂ. ಲಂಚ ಗೆತೊನನೊಂದುಪ್ಪುನಗ ಪಿಎಸ್ಐ ಚೇತನ್ ರೆಡ್ಹ್ಯಾಂಡ್ ಆದ್ ತಿಕ್ಕ್ದ್ ಬೂರ್ದೆರ್. ಲೋಕಾಯುಕ್ತ ಪೊಲೀಸೆರ್, ಪಿಎಸ್ಐನ್ ವಿಚಾರಣೆ ಮಲ್ತ್ದ್ ನ್ಯಾಯಂತಡೆಗ್ ಒಪ್ಯಾದೆರ್.