ಕುಂಬ್ಳೆ ಜಾತ್ರೆದ ಬೆಡಿ – ಬೆಡಿ ಸಮಿತಿ ಪದಾಧಿಕಾರಿಲೆನ ಮಿತ್ತ್ ಕೇಸ್

Last updated on January 19th, 2026 at 01:07 pm

ಕುಂಬ್ಳೆ, ಜ. 19: ಕಣಿಪುರ ಶ್ರೀಗೋಪಾಲಕೃಷ್ಣ ದೇಲಂತಡೆದ ಜಾತ್ರೆದ ಲೆಕ್ಕೊಡು ಸನಿಯಾರ ರಾತ್ರೆ ನಡತಿನ ಬೆಡಿ ಟ್ ಸಮ ದುಂಬೆಚ್ಚರ್ಗೆ ಗೆತೊನಂದಿನ ನೆವನೊಡು ಬೆಡಿ ಉತ್ಸವ ಸಮಿತಿದ ಮಿತ್ತ್ ಕುಂಬ್ಳೆ ಪೊಲೀಸೆರ್ ಕೇಸ್ ಪಾಡ್ದೆರ್.

ಸಮಿತಿದ ಅಧ್ಯಕ್ಷೆ ಸದಾನಂದ ಕಾಮತ್ ಕೆ., ಪದುಕೆರ್ ಲಕ್ಷ್ಮಣ ಪ್ರಭು ಕುಂಬ್ಳೆ, ಸುಧಾಕರ ಕಾಮತ್, ದಯಾರಾಜ್ ಪನ್ಪಿನಕ್ಲೆನ ಮಿತ್ತ್ ಕೇಸ್ ಪಾಡ್ದೆರ್. ಜಾತ್ರೆಗ್ ಬತ್ತಿನ ಜನೊಕ್ಲೆಗ್ ಪಡಾಯಿ ಆಪಿಲೆಕ ಗೋಸ್ಮರಿ ಮಲ್ತ್‌ದ್, ಬೆಡಿ ಪುಡತ್‌ದೆರ್ ಪನ್ದ್ ಉಲ್ಲೇಖ ಮಲ್ತ್‌ದ್ ಪೊಲೀಸೆರ್ ಸ್ವಯಂ ಪ್ರೇರಿತೆರಾದ್ ಕೇಸ್ ಪಾಡೊಂದೆರ್.

ಸನಿಯಾರ ರಾತ್ರೆ ಕುಂಬ್ಳೆ ಪೊಲೀಸ್ ಸ್ಟೇಶನ್‌ದ ಎದುರುಡು ದೇಬೆರೆನ ಬೆಡಿಕಟ್ಟೆದ ಕೈತಲ್ ಬೆಡಿ ಪ್ರದರ್ಶನ ನಡತಿತ್ತ್ಂಡ್. ಭಾರೀ ಸಂಖ್ಯೆಡ್ ಜನ ಸೇರ್ದಿತ್ತೆರ್. ಪುಗರ್ತೆದ ಕುಂಬ್ಳೆ ಬೆಡಿಕ್ ಸಮ ದುಂಬೆಚ್ಚರ್ಗೆದ ಮಾನದಂಡ ಪಾಲನೆ ಮಲ್ಪಂದಿನೆಕ್ ಮೊಕಲೆನ ಮಿತ್ತ್ ಕೇಸ್ ಪಾಡ್ದೆರ್.