Last updated on January 19th, 2026 at 11:42 am
ಕಡಬ, ಜ. 19 – ಕುಕ್ಕೆ ಸುಬ್ರಹ್ಮಣ್ಯ ದೇಲಂತಡೆದ ಕೈತಲ್ ಕುಮಾರಧಾರ ಸುದೆಟ್ ಮುರ್ಕ್ದ್ ಇರ್ವೆರ್ ಜವನೆರ್ ತೀರ್ದಿನ ನಡಕೆ ಐತಾರ ನಡತ್ದ್ಂಡ್.
ತೀರ್ದಿನಕ್ಲೆನ್ ಸುಳ್ಯ ತಾಲೂಕ್ದ ಕೊಲ್ಲಮೊಗೇರ್ ನಿವಾಸಿಲಾಯಿನ ಹರಿಪ್ರಸಾದ್ (37) ಬೊಕ್ಕ ಸುಜಿತ್ (26) ಪನ್ದ್ ಗುರ್ತ ಪತ್ತ್ದೆರ್.
ಇರ್ವೆರ್ಲಾ ತನ್ಕುಲೆ ದೋಸ್ತಿಲೆ ಒಟ್ಟುಗು ಮೀಯೆರೆ ಕುಮಾರಧಾರ ಸುದೆಕ್ ಕುಲ್ಕುಂದ ದ ಕೈತಲ್ ಜತ್ತ್ದಿತ್ತ್ದ್, ಈ ಪೊರ್ತುಡು ಇರ್ವೆರ್ಲಾ ನೀರ್ಡ್ ಮುರ್ಕ್ದ್ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ನೀರ್ಡ್ ಮುರ್ಕಿನ ಇರ್ವೆರೆ ಪುನೊನು ಮಿತ್ತ್ ಕನತ್ದೆರ್. ಈ ಬಗೆಟ್ ಸುಬ್ರಹ್ಮಣ್ಯ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್.