Last updated on January 19th, 2026 at 11:30 am
ಪುತ್ತೂರು, ಜ. 19: ಗ್ಯಾಸ್ ಬಲೂನ್ ಕರೆಂಟ್ ವಯರ್ಗ್ ಕೊಲ್ತ್ದ್ ಕರೆಂಟ್ ಶಾರ್ಟ್ ಸರ್ಕ್ಯೂಟ್ ಆಯಿನೆರ್ದಾವರ ಒಂಜಿ ಕಾರ್ ಪೊತ್ತುದು ಪೋತಿನ ನಡಕೆ ಶ್ರೀ ಪೂಮಾಣಿ-ಕಿನ್ನಿಮಾನಿ ಪಡುಮಲೆ ಬೊಕ್ಕ ಬಡಗನ್ನೂರು ಗ್ರಾಮ ಪಂಚಾಯತ್ದ ಮೈಂದಿನಡ್ಕ ಪಿಲ್ಚಂಡಿ ದೈವಸ್ಥಾನೊದ ಕೈತಲ್ ಐತಾರ ನಡತ್ದ್ಂಡ್.
ದೈವಸ್ಥಾನೊದ ಜಾತ್ರೆ ನಡತೊಂದುಪ್ಪುನಗ ಈ ನಡಕೆ ನಡತ್ದ್ಂಡ್. ಸಾನೊದ ಕೈತಲ್ ಕರೆಂಟ್ ಕುಂದೊದ ಬರಿಟ್ ಕಾರ್ ಉಂತಾದಿತ್ತೆರ್. ಆ ಪೊರ್ತುಡು, ಕೈತಲ್ದ ಜಾತ್ರೆದಲ್ಪರ್ದ್ ರಾವೊಂದು ಬತ್ತಿನ ಗ್ಯಾಸ್ ಪುಗ್ಗೆ ಕರೆಂಟ್ ವಯರ್ಗ್ ಕೊಲ್ತ್ದ್ಂಡ್ ಪನ್ದ್ ವರದಿ ಆತ್ಂಡ್.
ಪುಗ್ಗೆ ಕರೆಂಟ್ ವಯರ್ಗ್ ಕೊಲ್ತಿನೇ, ಶಾರ್ಟ್ ಸರ್ಕ್ಯೂಟ್ ಆದ್, ಕಿಟಿ ರಾದ್, ಒಂತೆ ದೂರೊಡು ಉಂತಾದಿತ್ತಿನ ಕಾರ್ಗ್ ತಾಗ್ದ್ಂಡ್. ನುಂಗೆಲ್ ಪನ್ತಿಲಾ ಇತ್ತಿನೆರ್ದಾವರ ಒರಾನೆ ಸೂ ಪತೊಂದು ತೂಯಿ ತೂಯಿಲೆಕನೆ, ಕಾರ್ ಪೊತ್ತುದು ಪೋತುಂಡು. ಪೊತ್ತೊಂದುಪ್ಪುನಗ, ಕಾರ್ ತನ್ನಾತೆಗೇ ಎದುರು ಪೋದು ಕರೆಂಟ್ ಕುಂದೊಗು ಎಡ್ತ್ದ್ಂಡ್.
ಕೈತಲ್ ಇತ್ತಿನಕುಲು ರಪಕ್ಕ ಸೂ ತೆಕ್ಕಾವುನೆಟ್ ಯಶಸ್ವಿ ಆತೆರ್. ನಡಕೆಡ್ ಕಾರ್ ಪೊತ್ತುದು ಪೋತುಂಡು. ಏರೆನ ಜೂವೊಗ್ಲಾ ದಾಲ ಆತಿಜಿ.