Last updated on January 27th, 2026 at 09:02 am
ಬೆದ್ರ, ಜ. 27: 60 ಫೀಟ್ ಗಂತ್ದ ಗೂವೆಲ್ಗ್ ತತ್ತ್ದ್ ಬೂರ್ನ ಒಂಜಿ ಪೆತ್ತೊನು ಬೆದ್ರ ಅಗ್ನಿಶಾಮಕ ದಳೊದ ಸಿಬ್ಬಂದಿಲು ಯಶಸ್ವಿಯಾದ್ ಮಿತ್ತ್ ದೇರ್ತ್ದ್ ಕಾತಿನ ನಡಕೆ ತೆಂಕಮಿಜಾರ್ ಗ್ರಾಮ ಪಂಚಾಯತ್ ಸೀಮೆದ ಬಡಗಮಿಜಾರ್ಡ್ ಸೋಮವಾರ ನಡತ್ದ್ಂಡ್.
ಬಡಗಮಿಜಾರ್ ನಿವಾಸಿ ಜಯರಾಮ್ ಗೌಡ ಪನ್ಪಿನಾರೆಗ್ ಸೇರ್ದಿನ ಸುಮಾರ್ 60 ಫೀಟ್ ಗುಂಡಿ ಬೊಕ್ಕ 5 ಫೀಟ್ ಅಗೆಲೊದ ಗೂವೆಲ್ಗ್ ಪೆತ್ತ ಬೂರ್ದಿನೆನ್ ತೂಯಿನ ಇಲ್ಲದಕುಲು ಬೊಕ್ಕ ಮುಟ್ಟದಕುಲು ಅಪಗನೇ ಅಗ್ನಿಶಾಮಕ ಇಲಾಖೆಗ್ ಒಲವು ಕೊರ್ತೆರ್.
ಒಲವು ತಿಕ್ಕಿನೇ ಜಾಗೆಡ್ ಬತ್ತಿನ ಅಗ್ನಿಶಾಮಕ ಸಿಬ್ಬಂದಿಲು ಗೂವೆಲ್ಗ್ ಜತ್ತ್ದ್, ಪೆತ್ತೊಗು ದಾಲ ಆವಂದಿಲೆಕ ಬಲ್ಲ್ ಪಾಡ್ದ್ ಸುರಕ್ಷಿತವಾದ್ ಮಿತ್ತ್ ದೇರ್ತ್ದೆರ್. 60 ಫೀಟ್ ಗಂತ್ ಇತ್ತ್ಂಡಲಾ ಸಮಯಪ್ರಜ್ಞೆ ಬೊಕ್ಕ ಚಾತುರ್ಪುಡು ಕಾರ್ಯಾಚರಣೆ ಮಲ್ತಿನ ಸಿಬ್ಬಂದಿಲೆನ ಬೇಲೆನ್ ಸಾರ್ವಜನಿಕೆರ್ ಪುಗರೊಂದುಲ್ಲೆರ್.