Last updated on January 6th, 2026 at 05:48 pm
ಪುತ್ತೂರು, ಜ. 06: ಪುತ್ತೂರು ತಾಲೂಕು ಕುರಿಯ ಗ್ರಾಮೊಡು ಇನಿ (ಜ. 06) ಮಧ್ಯಾಹ್ನ ನಡತಿನ ಸೂ ಬೂರ್ದಿನ ನಡಕೆಡ್ ಸುಮಾರ್ 900 ಕಂಗ್ ದೈಕುಲು ಪೊತ್ತುದು ಪೋತ.
ಕುರಿಯ ಗ್ರಾಮೊದ ಬೂಡಿಯಾರ್ ಗಣೇಶ್ ರೈ ಪನ್ಪಿನಾರೆನ ಬಜ್ಜೈ ತೋಟೊಡೆ ಆದ್ ಪೋತಿನ ಕರೆಂಟ್ ಲೈನ್ ಒರಾನೆ ಕಡಿದ್ ಬೂರ್ದಿನನೇ ಈ ಅನಾಹುತೊಗು ನೆವನ ಪನ್ದ್ ಪನೊಂದುಲ್ಲೆರ್. ಕರೆಂಟ್ ವಯರ್ ಬೂರ್ನೆಟ್ಟಿಗೇ ತೋಟೊಗು ಸೂ ಪತೊಂದಿತ್ತ್ದ್ ತೂಯಿ ತೂಯಿಲೆಕನೆ ಸುಮಾರ್ 900ಕರ್ದ್ಲಾ ಎಚ್ಚ ಕಂಗ್ ದೈಕುಲು ಪೊತ್ತುದು ಸುಡು ಸೂಕರಿ ಆತ.
ಜಾಗೆಗ್ ಅಪಗನೇ ಬತ್ತಿನ ಅಗ್ನಿಶಾಮಕ ದಳೊದ ಸಿಬ್ಬಂದಿಲು ಬಂಙಬತ್ತ್ದ್ ಸೂ ತೆಕ್ಕಾದೆರ್. ಅಂಚಾದ್ ಬರಿತ ತೋಟೊಲೆಗ್ ಸೂ ಪಗರುನ ತತ್ತ್ದ್ಂಡ್.
ವಿಷಯ ತೆರಿನನೇ ಎಪಿಎಂಸಿ ಮಾಜಿ ಅಧ್ಯಕ್ಷೆ ಬೂಡಿಯಾರ್ ರಾಧಾಕೃಷ್ಣ ರೈ ಸೇರ್ದ್ ಪಾಕ ಸ್ಥಳೀಯ ಮುಖಂಡೆರ್ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.
ಕೈತಲ್ಡೇ ಗ್ಯಾಸ್ ಗೋಡೌನ್ ಇತ್ತ್ದ್, ಸೂ ಅವೆತ ಮುಟ್ಟ ಮುಟ್ಟ ಪೋದಿತ್ತ್ಂಡ್ ಪನ್ದ್ ಸ್ಥಳೀಯೆರ್ ತೆರಿಪಾದೆರ್. ನೇಲ್ಯ ದುರಂತ ಒಂಜಿ ತತ್ತ್ದ್ಂಡ್ ಪನ್ದ್ ಪನೊಂದುಲ್ಲೆರ್.