Last updated on January 7th, 2026 at 08:36 am
ಒಡಿಪು, ಜ. 06: ಶಿರೂರು ಮಠೊತ ಪರ್ಯಾಯ ಮಹೋತ್ಸವದ ಬಗೆಟ್ ಅಕ್ಷೇಪಾರ್ಹ ಪೋಸ್ಟ್ ಪಾಡಿನ ಆರೋಪಿ ಒರಿಯನ್ ಪೊಲೀಸೆರ್ ಕೈದ್ ಮಲ್ತ್ದೆರ್.
ಈ ಸರ್ತಿದ ಶಿರೂರು ಮಠೊತ ಪರ್ಯಾಯ ಮಹೋತ್ಸವದ ಲೆಕ್ಕೊಡು ಪುದೆಕಾಣಿಗೆ ಸಂದಾವುನ ಬಗೆಟ್ ಉಂಡು ಮಲ್ದಿನ ಒಡಿಪು ಜಿಲ್ಲಾ ಮುಸ್ಲಿಮ್ ಸೌಹಾರ್ದ ಪರ್ಯಾಯ ಸಮಿತಿ ಬಗೆಟ್ ಧರ್ಮ, ಜನಾಂಗೊಲೆನ ನಡುಟು ಪಗೆ ಪುಟ್ಟಾವುನ ಬೊಕ್ಕ ಸಾರ್ವಜನಿಕ ಸಾಮರಸ್ಯೊಗು ತೊಂದರೆ ಆಪಿನಂಚಿನ ಆಕ್ಷೇಪಾರ್ಹ ಬರವು ಬರೆದ್ ಸಾಮಾಜಿಕ ಬಲೆತ್ತಾನೊಡು ಪೋಸ್ಟ್ ಪಾಡ್ದಿನ ರಡ್ಡ್ ಬೇತೆ ಬೇತೆ ಆರೋಪ ಪ್ರಕರಣಲೆಗ್ ಸಂಬಂಧಿತ್ದ್ ಒರಿಯನ್ ಕೈದ್ ಮಲ್ತ್ದೆರ್.
ಕಾರ್ಲ ತಾಲೂಕ್ದ ನಿಟ್ಟೆ ಅಂಬಡೆಕಲ್ಲ್ ನಿವಾಸಿ ಸುಧಾಕರೆ (37) ಕೈದಾತಿನ ಆರೋಪಿ. ಉಂಬ್ಯನ್ ಕಾರ್ಲ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್, ನ್ಯಾಯಂತಡೆ ಆರೋಪಿಗ್ 15 ದಿನೊತ ನ್ಯಾಯಾಂಗ ಕೈದ್ ಕೊರ್ತುಂಡು.
ಕುಡೊಂಜಿ ಪ್ರಕರಣೊದ ಆರೋಪಿ ನಿಟ್ಟೆದ ಸುದೀಪ್ ಶೆಟ್ಟಿ ದೆಂಗ್ತಪ್ಪಾದಿತ್ತ್ದ್, ಆಯನ್ ಪೊಲೀಸೆರ್ ನಾಡೊಂದುಲ್ಲೆರ್.