Last updated on January 27th, 2026 at 11:01 am
ಒಡಿಪು, ಜ. 27: ರಿಟೈರ್ಡ್ ಆರ್ಮಿ ಕಮಾಂಡರ್ ಶ್ಯಾಮರಾಜೆರೆಗ್ ಟೋಲ್ ಗೇಟ್ಡ್ ಅವಮಾನ ಮಲ್ತಿನ ನಡಕೆ ನಡತಿತ್ತ್ದ್, ಇತ್ತೆ ಟೋಲ್ ಸಿಬ್ಬಂದಿ ಮಾಪು ನಟ್ಟ್ದೆರ್. ಜ.25ತ ರಾತ್ರೆ ಒಡಿಪು ಜಿಲ್ಲೆದ ಕೋಟ ಕೈತಲ್ದ ಸಾಸ್ತಾನಡ್ ಈ ನಡಕೆ ನಡತಿತ್ತ್ದ್, ವಿನಾಯಿತಿ ಕೊರಂದೆ ದಂಡ್ದ ಬೀರಗ್ ಅವಮಾನ ಮಲ್ತಿತ್ತೆರ್. ಈ ಬಗೆಟ್ ಆರ್ಮಿ ಕಮಾಂಡರ್ ವಿಡಿಯೋ ಮಲ್ತ್ದ್ ಸಾಮಾಜಿಕ ಬಲೆತ್ತಾನೊಡು ಪಟ್ಟ್ದಿತ್ತೆರ್.
ಗಣರಾಜ್ಯ ದಿನೊತಾನಿ ಅವಮಾನ ಪನ್ದ್ ವಿಡಿಯೋ ವೈರಲ್ಲಾ ಆದಿತ್ತ್ಂಡ್. ದುರಂತ ಒಂಜೆಟ್ ದಂಡ್ದ ಗಾಡಿ 400 ಫೀಟ್ ಗುಂಡಿಗ್ ಬೂರ್ನಗ ದೇಬೆರೆ ದಯೆಟ್ ಆರ್ಮಿ ಕಮಾಂಡರ್ ಶ್ಯಾಮರಾಜೆರ್ ಬದ್ಕ್ದಿತ್ತೆರ್, ವೀಲ್ ಚೇರ್ಡ್ ಜೂವನ ಮಲ್ತೊಂದುಲ್ಲೆರ್. ಆಂಡ ಟೋಲ್ ಸಿಬ್ಬಂದಿ ವಿನಾಯಿತಿ ಕೊರ್ದಿಜ್ಜಂಡ್.
ಈ ಬಗೆಟ್ ಮಾಪು ನಟ್ಟಿನ ಸಿಬ್ಬಂದಿ ಟೋಲ್ ಗೇಟ್ಡ್ ದಂಡ್ದ ಬೀರೆರೆಗ್ ಕೊರ್ಪುನ ವಿನಾಯಿತಿದ ಬಗೆಟ್ ಎಂಕ್ ಸಮಗಟ್ಟ್ ತೆರಿದಿಜ್ಜಂಡ್. ವಿನಾಯಿತಿದ ಬಗೆಟ್ ಮಿತ್ತ್ದ ಅಧಿಕಾರಿಲೆಡ ಕೇನ್ದಿತ್ತೆ. ಅಕುಲು ಸದು ಕೊರ್ನಗ ಕಡೆಸ್ಸಿನೆರ್ದಾವರ ಇಂಚ ಮಾತ ಆಂಡ್, ಅಲ್ಪನೇ ಆರೆಡ ಮಾಪು ನಟ್ಟ್ದೆ, ಇತ್ತೆ ಕುಡೊರ ಕೇನೊಂದುಲ್ಲೆ ಪನ್ದ್ ಪನ್ಡೆರ್.