Last updated on January 15th, 2026 at 12:10 pm
ಬಂಟ್ವಾಳ, ಜ. 15: ಸಾಮಾಜಿಕ ಬಲೆತ್ತಾನ ಫೇಸ್ಬುಕ್ಡ್ ಬತ್ತಿನ ಎಡ್ವರ್ಟೈಸ್ಮೆಂಟ್ ನಂಬುದ್ ಆನ್ಲೈನ್ ಆ್ಯಪ್ ಮುಕೇನ ಚೂಡಿದಾರ್ ಬುಕ್ ಮಲ್ತಿನ ಪೊಂಜೊವು ಸೈಬರ್ ದಗೆಕಾರೆರೆರ್ದಾವರ 87 ಸಾರ ಕಲೆವೊಂದಿನ ನಡಕೆ ಬಂಟ್ವಾಳ ಪೊಲೀಸ್ ಸ್ಟೇಶನ್ ಸೀಮೆಡ್ ನಡತ್ದ್ಂಡ್.
ಪೊಲೀಸ್ ಒಯಿಲ್ದ ಪ್ರಕಾರ 35 ವರ್ಸ ಪ್ರಾಯೊದ ಪೊಂಜೊವು ಫೇಸ್ಬುಕ್ಡ್ ಬತ್ತಿನ ಜಾಹೀರಾತ್ ತೂದು Aramya App ಮುಕೇನ ತೇದಿ 03-01-2026 ತಾನಿ ಸಾಲ್ವಾರ್ ಚೂಡಿದಾರ್ನ್ ಬುಕ್ ಮಲ್ತ್ದ್ ಕಾಸ್ ಕಟ್ಟ್ದೆರ್.
ಬೊಕ್ಕ ತೇದಿ 05-01-2026 ಬೊಕ್ಕ 06-01-2026 ತಾನಿ ಬೇತೆ ಬೇತೆ ಮೊಬೈಲ್ ನಂಬರ್ರ್ದ್ ಫೋನ್/ವಾಟ್ಸ್ಆಪ್ ಮಲ್ತ್ದ್, ಪೇಮೆಂಕ್ ಸ್ಟಕ್ ಆತ್ಂಡ್ ಪನ್ದ್ ಪನ್ಡ್ದ್ ಸ್ಕ್ಯಾನರ್, Refund Code ಬೊಕ್ಕ ಬ್ಯಾಂಕ್ ಅಕೌಂಟ್ ಮುಕೇನ ಕುಡ ಕುಡ ಕಾಸ್ ಕಟ್ಟಾವೊಂದೆರ್.
ಇಂಚ ಪಿರ್ಯಾದಿದಾರೆದಿ ಒಟ್ಟು ರೂ.87,524/- ಕಾಸ್ ಸೈಬರ್ ದಗೆಕ್ ಕಲೆಯೊಂದೆರ್. ಈ ಬಗೆಟ್ ಬಂಟ್ವಾಳ ನಗರ ಸ್ಟೇಶನ್ ಅ.ಕ್ರ ನಂ: 06/2026 ಕಲಂ: 318(4), 318(2), 319(2) BNS 2023 ಬೊಕೂ 66(ಸಿ) 66 (ಡಿ) ಐಟಿ ಕಾಯ್ದೆದ ಅಡಿಟ್ ಪ್ರಕರಣ ದಾಕಲಾತ್ಂಡ್.