Last updated on February 24th, 2026 at 02:49 pm
ಕುಡ್ಲ, ಫೆ. 24: ತುಳುನಾಡ ರಡ್ಡ್ ಜಿಲ್ಲೆಲೆಡ್ ಕರಿನ ಆಜಿ ತಿಂಗೊಲುಡು 439 ಜನೊಟು ಕುಷ್ಠ ರೋಗ ಆದಿತ್ತ್ದ್, ಅವೆಟ್ 363 ಪ್ರಕರಣೊಲು ಮಲ್ಟಿಬ್ಯಾಸಿಲ್ಲರಿ (ರಡ್ಡನೇ ನಿಲವು) ಆದುಲ್ಲ.
ಕುಷ್ಠ ರೋಗೊಡು ಮೂಜಿ ನಿಲವುಲು ಉಲ್ಲ. 1 ರ್ದ್ 5 ಮಚ್ಚೆಲು ಬೊಕ್ಕ ಒಂಜಿ ನರೊಕು ಸೋಂಕು ಆಂಡ ಅವು ಪಾಸಿಬ್ಯಾಸಿಲ್ಲರಿ (ಸುರುತ ನಿಲವು) ಕುಷ್ಠ ರೋಗ ಆದುಪ್ಪುಂಡು. 6ರ್ದ್ ಎಚ್ಚ ಮಚ್ಚೆದ ಕಲೆ ಇತ್ತ್ದ್, ಒಂಜೆರ್ದ್ ಎಚ್ಚ ನರೊಕುಲೆಗ್ ಸೋಂಕು ಆಂಡ ಅವು ಮಲ್ಟಿಬ್ಯಾಸಿಲ್ಲರಿ (ರಡ್ಡನೇ ನಿಲವು) ಪ್ರಕರಣ ಆಪುಂಡು. ತುಳುನಾಡ ರಡ್ಡ್ ಜಿಲ್ಲೆಲೆಡ್ ಈ ರಡ್ಡನೇ ನಿಲವುದ ಪ್ರಕರಣೊಲೇ ಎಚ್ಚ ಉಲ್ಲ.
ಮಂಗಳೂರು ಜಿಲ್ಲೆಡ್ ಕರಿನ ಆಜಿ ತಿಂಗೊಲುಡು 295 ಒಟ್ಟು ಪ್ರಕರಣೊಡು 264, ಒಡಿಪು ಜಿಲ್ಲೆಡ್ 144 ಒಟ್ಟು ಪ್ರಕರಣೊಡು 99 ಪ್ರಕರಣೊಲು ರಡ್ಡನೇ ನಿಲವುದ ಆದುಲ್ಲ. ಸರ್ರೊಡು ಬೊಲ್ದು, ಚೆಂಬು ರಂಗ್ದ ಮಚ್ಚೆಲು ಆದಿತ್ತ್ಂಡ, ಅಪಗ ಮಲ್ಪೂನ ಗೋಸ್ಮರಿರ್ದಾವರ ರೋಗ ನನಲಾತ್ ಗಾತಿದ ಸ್ಥಿತಿಕ್ ಪೋಪುಂಡು.