Last updated on February 25th, 2026 at 03:44 am
ಮಹಾರಾಷ್ಟ್ರ ಫೆ. 25: ಉಂತುದಿತ್ತಿನ ಲಾರಿಗ್ ಪಿರವುರ್ದು ಮೀನ್ ಕೊನೊಪುನ ಲಾರಿ ಎಡ್ತಿನೆರ್ದಾವರ ಮೀನ್ ಕೊನೊವೊಂದಿತ್ತಿನ ಲಾರಿದ ಡ್ರೈವರ್ ಅಲ್ಪನೇ ತೀರ್ದಿನ ನಡಕೆ ಮುಂಬೈ-ಗೋವಾ ಪೆರ್ಸಾದಿದ ರತ್ನಗಿರಿ ಪನ್ಪಿನಲ್ಪ ನಡತ್ದ್ಂಡ್.
ತೀರ್ದಿನಾರೆನ್ ಬೋಳಿಯಾರ್ ನಿವಾಸಿ ಬಿಎಚ್ ಕರೀಂ ಪನ್ಪಿನಾರೆನ ಮಗೆ ಮುಹಮ್ಮದ್ ರಿಝ್ವಾನ್ (28) ಪನ್ದ್ ಗುರ್ತ ಪತ್ತ್ದೆರ್. ಮೊಹಮ್ಮದ್ ರಿಜ್ವಾನ್ ಗೋವಾರ್ದ್ ಮುಂಬೈ ದಂಚಿ ಮೀನ್ ಕೊನೊಪುನ ಲಾರಿ ಬುಡೊಂದಿತ್ತ್ದ್, ಆರೆನ ಲಾರಿ ಕಾಂಡೆ ಸುಮಾರ್ 10.45 ತ ಅಂದಾಜಿಗ್ ಮುಂಬೈ-ಗೋವಾ ಪೆರ್ಸಾದಿದ ರಾಜಾಪುರಡ್ ಸಾದಿ ಬರಿತ ಡಾಭಾದ ಎದುರು ಉಂತಾದಿತ್ತಿನ ಟ್ರಕ್ ಗ್ ಪಿರವುರ್ದ್ ಎಡ್ತ್ದ್ಂಡ್. ಈ ಎಡ್ತೆಡ್, ಮೀನ್ದ ಲಾರಿದ ಡ್ರೈವರ್ ರಿಜ್ವಾನ್ ಗಾತಿದ ಗಡಿಕುಲಾದ್ ಅಲ್ಪನೇ ತೀರ್ದೆರ್.
ಮೇರ್ ಅಪ್ಪೆ, ಅಮ್ಮೆ, ಬೊಡೆದಿ, ರಡ್ಡ್ ವರ್ಸೊದ ಬಾಲೆ, ಆಜಿ ಜನ ಒಪ್ಪ ಪುಟ್ಟಿನಕ್ಲೆನ್ ಅಗತ್ದೆರ್. ಕೈತಲ್ದ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್ .
ಉಂತಾದಿತ್ತಿನ ಟ್ರಕ್ದ ಡ್ರೈವರ್ ದಾಲ ಆವಂದೆ ಬಚಾವಾತೆ.