ಈ ಛಲವಾದಿ ನಾರಾಯಣ ಸ್ವಾಮಿ ನಾಯಿದ ಲೆಕ.. ಪಾಪ ಕೊರೆತ್‌ದ್ಂಡ್, ಐಕ್ ಎಂಕ್ಲ ದಾಲ ಕಲ್ಲ್ ದಕ್ಕೆರ ಪೋಪುಜ – ಶಾಸಕೆ ಅಶೋಕ್ ಕುಮಾರ್ ರೈ

Last updated on February 15th, 2026 at 06:38 pm

ಪುತ್ತೂರು, ಫೆ 15: ಪುತ್ತೂರು ಶಾಸಕೆ ಅಶೋಕ್ ಕುಮಾರ್ ರೈಕ್ಲೆನ ಬಗೆಟ್ ವಿಧಾನಪರಿಷತ್ ವಿರೋಧ ಪಕ್ಷೊದ ನಾಯಕೆ ನಾರಾಯಣ ಸ್ವಾಮಿ ಪನ್ತಿನ ಪಾತೆರೊಗು ಇತ್ತೆ ಪುತ್ತೂರು ಶಾಸಕೆ ಅಶೋಕ್ ರೈ ಸದು ಕೊರ್ದಿತ್ತ್‌ದ್, ಈ ಛಲವಾದಿ ನಾರಾಯಣ ಸ್ವಾಮಿ ನಾಯಿ ದ ಲೆಕ.. ಪಾಪ ಕೊರೆತ್‌ದ್ಂಡ್, ಐಕ್ ಎಂಕ್ಲ ದಾಲ ಕಲ್ಲ್ ದಕ್ಕೆರ ಪೋಪುಜ ಪನ್ದ್ ಪನ್ತೆರ್.

ಪುತ್ತೂರ್‌ಡ್ ಪಾತೆರ್ನ ಆರ್ ಛಲವಾದಿ ನಾರಾಯಣ ಸ್ವಾಮಿ ನಾಯಿದ ಲೆಕ, ನಾಯಿಗ್ ಏರ್ ಎಡ್ಡೆಂತಿನಾಯೆ, ಏರ್ ಕಲ್ವೆ ಪನ್ದ್ ಗೊತ್ತಾಪುಜಿ, ಅವು ಏರ್ ಬತ್ತ್ಂಡಲಾ ಕೊರೆಪುಂಡು. ಛಲವಾದಿಲಾ ನಾಯಿದ ಲೆಕ, ಆಯಗ್ ದಾದ ಪನ್ದ್ ಗೊತ್ತಾಪುಜಿ. ಪಾಪ ಕೊರೆತ್‌ದೆ, ಐಕ್ ಎಂಕ್ಲ ದಾಲ ಕಲ್ಲ್ ದಕ್ಕೆರ ಪೋಪುಜ, ಪ್ರಾಣಿ ಅತಾ ಪನ್ದ್ ಪನ್ತೆರ್.

ಛಲವಾದಿ ಒರಿ ನರ್ಸಣ್ಣನ ಲೆಕ ಊದೊಂದು ಬರ್ಪೆರತಾ, ಪಾಪ ಅಕಲೆಗಾಂಡಲ ಬುದ್ದಿ ಉಂಡು, ಉಂಬ್ಯಗ್ ಬುದ್ಧಿ ಇಜ್ಜಿ, ಆಯನ್ ಬಿಜೆಪಿದಕುಲು ದಾಯೆ ಲೆಪ್ಪೆರಾ ಗೊತ್ತಿಜ್ಜಿ. ಆಯೆ ಛಲವಾದಿ ನಾರಾಯಣ ಸ್ವಾಮಿ ಅತ್ತ್, ಆಯೆ ಛಲವಾದಿ ನಾಲಾಯಕ್ ಸ್ವಾಮಿ ಪನ್ದ್ ಮಕ್ಕರ್ ಮಲ್ತೆರ್.

ಬಿಜೆಪಿದಕುಲು ಇಂಚಿನಕ್ಲೆನ್ ಲೆತ್ತ್‌ದ್, ಮುಲ್ಪ ನಮ್ಮ ನಡುಟು ಇತ್ತಿನ ಎಡ್ಡೆಪುನು ಹಾಲ್ ಮಲ್ತೊನರೆ ಬಲ್ಲಿ, ಅಧಿಕಾರ ಏಪ ಏರೆಗ್ ಪೋಪುಂಡು ಪನ್ದ್ ಏರೆಗ್ಲಾ ಗೊತ್ತುಜ್ಜಿ. ಅನುದಾನೊದ ವಿಚಾರೊಡೂ ಒವ್ವೇ ಛಾಲೆಂಜಿಗ್ ಯಾನ್ ರೆಡಿ, ಅಕುಲು ಲೆತ್ತಿನಡೆ ಯಾನ್ ಪೋಪುಜಿ, ಯಾನ್ ಶಾಸಕೆ, ಯಾನ್ ಲೆತ್ತಿನಡೆ ಬರಡ್, ಉತ್ತರ ಕೊರ್ಪುನ ಬೇಲೆ ಮಲ್ಪೆ ಪನ್ದ್ ಪನ್ಡೆರ್.