Last updated on February 15th, 2026 at 02:46 pm
ಬೆದ್ರ, ಫೆ. 15: ಶಿರ್ತಾಡಿ ಗ್ರಾಮ ಪಂಚಾಯಿತಿ ಸೀಮೆದ ಪಡುಕೊಣಾಜೆದ ಹೌದಲ್ ಅಂಗನವಾಡಿ ಕೇಂದ್ರೊದ ಕೈತಲ್ ಫೆಬ್ರವರಿ 14 ತಾನಿ ಬೈಕ್ ಬೊಕ್ಕ ಟಿಪ್ಪರ್ ಲಾರಿ ಎದುರೆದುರು ಎಡ್ತೊಂದಿನೆರ್ದಾವರ ಬೈಕ್ ಬುಡೊಂದಿತ್ತಿನಾರೆಗ್ ಗಾತಿದ ಗಡಿಕುಲಾತ.
ಗಡಿಕುಲಾತಿನಾರೆನ್ ವಾಲ್ಪಾಡಿದ ಪೆರಿಬೊಟ್ಟು ನಿವಾಸಿ ವಿದೀಪ್ ಮಡಿವಾಳ ಪನ್ದ್ ಗುರ್ತ ಪತ್ತ್ದಿತ್ತ್ದ್, ಆರ್ ಕೈತಲ್ದ ರೋಟರಿ ಶಾಲೆಡ್ ಶಿಕ್ಷಕೆ ಆದ್ ಬೇಲೆ ಮಲ್ತೊಂದಿತ್ತೆರ್. ಮೂಲೊಲೆ ಪ್ರಕಾರ, ವಿದೀಪ್ ಬೆದ್ರದಂಚಿ ಬೈಕ್ಡ್ ಪೋವೊಂದುಪ್ಪುನಗ ಶಿರ್ತಾಡಿ ದಂಚಿ ಫೋವೊಂದಿತ್ತಿನ ಟಿಪ್ಪರ್ ಆರೆನ ಬೈಕ್ಗ್ ಎಡ್ತ್ದ್ಂಡ್. ಎಡ್ತೆರ್ದಾವರ ಗಾತಿದ ಗಡಿಕುಲಾದಿತ್ತ್ದ್, ಆರೆನ ಕೈತ ಎಲು ಪೊಲಿದ್ಂಡ್.
ಮುಟ್ಟದಕುಲು ಜಾಗೆಗ್ ಬತ್ತ್ದ್ ಗಡಿಕುಲಾತಿನ ಶಿಕ್ಷಕನ್ ತುರ್ತ ಮರ್ದ್ಗ್ ಆಸ್ಪತ್ರೆಗ್ ಲೆತೊಂದು ಪೋಯೆರ ಸಕಾಯ ಮಲ್ತೆರ್. ಬೆದ್ರ ಪೊಲೀಸೆರ್ ಜಾಗೆಗ್ ಬತ್ತ್ದ್ ಜಡ್ತೆ ಮಲ್ತೊಂದುಲ್ಲೆರ್.