Last updated on February 21st, 2026 at 06:08 pm
ಸುಳ್ಯ, ಫೆ. 21: ಇಲ್ಲೊಕ್ಕೆಲ್ದ ಕುಸಿಟ್ ಇತ್ತಿನ ಒಂಜಿ ಇಲ್ಲದಕುಲೆನ ಕಾರ್ಗ್, ಕುಡ್ಚೆಲೆರ್ ಜಬದಾರಿದಾಂತೆ ಕಾರ್ ಬುಡೊಂದು ಬತ್ತ್ದ್ ಭೀಕರವಾದ್ ಎಡ್ತಿನ ನಡಕೆ ಸುಳ್ಯ-ಪುತ್ತೂರ್ ರೋಡ್ದ ಬೊಳುಬೈಲ್ಡ್ ಇನಿ ಮದ್ಯಾನ 3:30 ತ ಅಂದಾಜಿಗ್ ನಡತ್ದ್ಂಡ್.
ತನ್ಕುಲೆ ಪೊಸ ಇಲ್ಲ್ದ ಒಕ್ಕೆಲ್ದ ಲೆಕ್ಕೊಡು ಪೊಸ ಕುಂಟು ದೆತೊನರೆ ಇಲ್ಲದಕುಲು ಮಾತ ಪೋದಿತ್ತಿನ ಪೊರ್ತುಡು ಈ ಎಡ್ತೆ ನಡತ್ದ್ಂಡ್. ಮೊಕುಲು ಪೋವೊಂದಿತ್ತಿನ ಕಾರ್ಗ್ ಕುಡೊಂಜಿ ಕಾರ್ ಬಾರೀ ಬೀಸಡ್ ಬತ್ತ್ದ್ ಪಿರವುರ್ದ್ ಎಡ್ತ್ದ್ಂಡ್. ಪಿರವುರ್ದ್ ಬತ್ತ್ದ್ ಎಡ್ತಿನ ಕಾರ್ಡ್ ಇತ್ತಿನಕುಲು ಮಾತೆರ್ಲಾ ಅಮಲ್ಡ್ ಇತ್ತೆರ್. ಅಮಲ್ಡ್ ಕಬುರುದಾಂತೆ ಗಾಡಿ ಅಂಕೆ ತತ್ತ್ದ್ ಎದುರುದ ಕಾರ್ಗ್ ಸಮ ಎಡ್ತ್ದ್ಂಡ್. ತೂಯಿನ ಒಂತೆ ಜನ ಅಕುಲು ಗಾಂಜಾದ ಅಮಲ್ಡ್ ಇತ್ತೆರ್ ಪಪ್ದ್ ಪನೊಂದುಲ್ಲೆರ್.
ಎಡ್ತೆದ ಬರಸ್ಗ್ ಎದುರುದ ಕಾರ್ಡ್ ಇತ್ತಿನ ಒರಿಯಗ್ ಬಾರೀ ಗಾತಿದ ಗಡಿಕುಲಾತ. ಆರೆಗ್ ಸುರುಕು ಕೈತಲ್ದ ಆಸ್ಪತ್ರೆಡ್ ಮರ್ದ್ ಮಲ್ತ್ದ್, ಗಾತಿದ ಗಡಿಕುಲಾತಿನೆರ್ದಾವರ ಬೊಕ್ಕ ಕುಡ್ಲದ ಆಸ್ಪತ್ರೆಗ್ ಲೆತೊಂದು ಪೋತೆರ್.
ಪಿರವುದ ಕಾರ್ಡ್ ಇತ್ತಿನಕುಲೆಗ್ ಕಾರ್ ಎಡ್ತ್ದ್ ಈತ್ ಮಾತಾ ಆಂಡಲಾ ಒಂತೆಲ ಕಬುರು ಇತ್ತಿಜಿ ಪನ್ದ್ ತೂಯಿನಕುಲು ಪನ್ತೆರ್.