Last updated on February 21st, 2026 at 04:18 pm
ಗದಗ, ಫೆ. 21: ಕಾಂಟ್ರಾಕ್ಟರ್ರ್ದ್ ಲಂಚ ಗೆತೊನುನಗ ಗದಗದ ಶಿರಹಟ್ಟಿ ಕ್ಷೇತ್ರೊದ ಬಿಜೆಪಿ ಶಾಸಕೆ ಚಂದ್ರು ಲಮಾಣಿ ಲೋಕಾಯುಕ್ತ ಬಲೆಕ್ ಬೂರ್ದಿನ ನಡಕೆ ನಡತ್ದ್ಂಡ್. 11 ಲಕ್ಷ ರೂ ಲಂಚ ಕೇನ್ದಿತ್ತ್ದ್, ಅಡ್ವಾನ್ಸ್ ಆದ್ 5 ಲಕ್ಷ ರೂ ಕಮಿಷನ್ ಗೆತೊನೊಂದುಪ್ಪುನಗ ಶಾಸಕೆ ಸೇರ್ದ್ ಪಿಎ ಮಂಜುನಾಥ್ ಬೊಕ್ಕ ಗುರು ತಿಕ್ಕ್ದ್ ಬೂರ್ದಿತ್ತ್ದ್, ಮೂವೆರೆನ್ ಉಲಕೈ ಮಲ್ತೊಂದು ಲೋಕಾಯುಕ್ತ ಪೊಲೀಸೆರ್ ವಿಚಾರಣೆ ಮಲ್ತೊಂದುಲ್ಲೆರ್.
ಕಾಂಟ್ರಾಕ್ಟರ್ಗ್ ಲಂಚ ಕೊರ್ಯೆರ ಒತ್ತಾಯ
ಎಲ್ಯ ನೀರಾವರಿ ಇಲಾಖೆದ ಕ್ಲಾಸ್ 1 ಕಾಂಟ್ರಾಕ್ಟರ್ ವಿಜಯ್ಗ್ ಲಂಚ ಕೊರ್ಯೆರ ಒತ್ತಾಯ ಮಲ್ತ್ದೆರ್ಗೆ. ಸಾದಿಬರಿತ ತಡೆಗೋಡೆ ಕಟ್ಟುನ ಬೇಲೆ ದೆಪ್ಪಾದ್ ಕೊರ್ಯೆರ 11 ಲಕ್ಷ ರೂ ಲಂಚ ಕೇನ್ದೆರ್. ಆಂಡ 5 ಲಕ್ಷ ರೂ. ಲಂಚ ಗೆತೊನುನಗ ಶಾಸಕೆ ಚಂದ್ರು ಬೊಕ್ಕ ಇರ್ವೆರ್ ಪಿಎನಕುಲು ರೆಡ್ ಹ್ಯಾಂಡ್ ಆದ್ ತಿಕ್ಕ್ದ್ಬೂರ್ದೆರ್.
ಕುಡ ಗದಗ ಜಿಲ್ಲೆದ ಲಕ್ಷ್ಮೇಶ್ವರ ಪೇಂಟೆಡ್ ಇಪ್ಪುನ ಚಂದ್ರು ಲಮಾಣಿಗ್ ಸೇರ್ದಿನ ಬಾಲಾಜಿ ಆಸ್ಪತ್ರೆದ ಮಿತ್ತ್ಲಾ ಲೋಕಾಯುಕ್ತ ದಾಳಿ ಮಲ್ತ್ದ್ ಪರಿಶೀಲನೆ ಮಲ್ತ್ದೆರ್. ಲೋಕಾಯುಕ್ತ ಎಸ್ಪಿ ಸಿದ್ದಲಿಂಗಪ್ಪೆರೆನ ಮುತಾಲಿಕೆಡ್ ಕಾರ್ಯಾಚರಣೆ ಮಲ್ತ್ದೆರ್.