Last updated on February 19th, 2026 at 04:31 pm
ಕಡಬ, ಫೆ. 19: ಮಂಗಳೂರು ಜಿಲ್ಲೆದ ಕಡಬ ಮೂಲೊದ ಜವನೆ ಒರಿ ಐರ್ಲೆಂಡ್ಡ್ ನಿಗೂಢವಾದ್ ತೀರ್ದಿನ ನಡಕೆ ನಡತ್ದ್ಂಡ್.
ತೀರ್ದಿನಾರೆನ್ ಐರ್ಲೆಂಡ್ ದೇಶೊದ ಡಬ್ಲಿನ್ ನಗರೊಡು ಇತ್ತಿನ ಸಾಂಜೋ ಸುನಿಲ್(31) ಪನ್ದ್ ಗುರ್ತ ಪತ್ತ್ದೆರ್. ಮೇರ್ ತನ್ನ ಅದೆಟ್ ಪುನ ಆದ್ ತಿಕ್ಕ್ದೆರ್. ಸಾಂಜೋ ಸುನಿಲ್, ಕಡಬ ತಾಲೂಕ್ದ ಕುಟ್ರುಪಾಡಿ ವಿಮಲಗಿರಿ ತ ನಿವಾಸಿ ಆದಿತ್ತ್ದ್, ವರ್ಸೊಗು ದುಂಬು ಐರ್ಲೆಂಡ್ಡ್ ನರ್ಸ್ ಆದುಪ್ಪುನ ಕಡಬದನೇ ಜವನ್ದಿನ್ ಮದಿಮೆ ಆದಿತ್ತೆರ್.
ದುಂಬು ಇಸ್ರೇಲ್ಡ್ ಬೇಲೆ ಮಲ್ತೊಂದಿತ್ತಿನ ಸುನಿಲ್ ಕೆಲ ತಿಂಗೊಲುಗು ದುಂಬು ಐರ್ಲೆಂಡ್ಗ್ ಪೋದಿತ್ತೆರ್. ಬೊಡೆದಿ ಐರ್ಲೆಂಡ್ ಡ್ ನರ್ಸ್ ಆದಿತ್ತಿನೆರ್ದಾವರ ಸುನಿಲ್ ಲಾ ತನ್ನ ಬೇಲೆನ್ ಐರ್ಲೆಂಡ್ಗ್ ಶಿಫ್ಟ್ ಮಲ್ಪಾದಿತ್ತೆರ್. ಇತ್ತೆ ಐರ್ಲೆಂಡ್ದ ತನ್ನ ಇಲ್ಲಡೇ ಸುನಿಲ್, ಬೊಡೆದಿ ಇಜ್ಜಂದಿನ ಪೊರ್ತುಡು ಬಲ್ಲ್ ಪಾಡೊಂದಿನ ಸ್ಥಿತಿಟ್ ತಿಕ್ಕ್ದೆರ್. ಆತ್ಮಹತ್ಯೆ ಮಲ್ತೊಂದೆರಾ ಅತ್ತ್ ಬೇತೆ ದಾಲಾ ಆದುಪ್ಪಾ ಪನ್ಪಿ ಅನುಮಾನೊಲು ಇತ್ತ್ದ್ ಆ ಸಾಧ್ಯತೆಲೆನ ಬಗೆಟ್ ಪೋಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್. ಬೊಡೆದಿ ಬೇಲೆಗ್ ಪೋದಿತ್ತಿನ ಪೊರ್ತುಡು ನಡಕೆ ನಡತ್ದ್ಂಡ್ ಪನ್ದ್ ಒಲವು ತಿಕ್ಕ್ದ್ಂಡ್.